15.66C Vancouver 15.66C VancouverApr 25, 2025 5:17 PM - The Canadian Press
ਕੈਨੇਡਾ ਦੀ ਵਰਲਡ ਜੂਨੀਅਰ ਹਾਕੀ ਟੀਮ ਦੇ ਸਾਬਕਾ ਪੰਜ ਖਿਡਾਰੀਆਂ ਨਾਲ ਸਬੰਧਤ ਬਹੁਚਰਚਿਤ ਜਿਨਸੀ ਸ਼ੋਸ਼ਣ ਦੇ ਮਾਮਲੇ ਵਿਚ ਓਨਟਾਰੀਓ ਸੁਪੀਰੀਅਰ ਕੋਰਟ ਦੀ ਜਸਟਿਸ ਮਾਰੀਆ ਕੈਰੋਕੀਆ ਨੇ ਸ਼ੁੱਕਵਾਰ ਨੂੰ 14-ਮੈਂਬਰ ਜਿਊਰੀ ਨੂੰ ਬਰਾਖਸਤ ਕਰਦੇ ਹੋਏ ਇਸ ਨੂੰ ਮਿਸਟ੍ਰੀਅਲ ਘੋਸ਼ਿਤ ਕਰ ਦਿੱਤਾ।ਮਿਸਟ੍ਰੀਅਲ ਉਹ ਮੁਕੱਦਮਾ ਹੁੰਦਾ ਹੈ ਜਿਸ ਵਿਚ ਕਿਸੇ ਮਹੱਤਵਪੂਰਨ ਖਾਮੀ ਜਾਂ ਸਮੱਸਿਆ ਕਾਰਨ ਨਿਰਪੱਖ ਫੈਸਲਾ ਹੋਣ ਦੀ ਸੰਭਾਵਨਾ ਨਹੀਂ ਹੁੰਦੀ।
ਇਹ ਘਟਨਾਕ੍ਰਮ ਇਸ ਕੇਸ ਵਿਚ ਨਵਾਂ ਹੈ ਜੋ ਪਹਿਲਾਂ ਹੀ ਲਗਭਗ ਸੱਤ ਸਾਲਾਂ ਤੋਂ ਲਟਕਿਆ ਹੈ। ਕੈਨੇਡਾ ਦੀ ਵਰਲਡ ਜੂਨੀਅਰ ਹਾਕੀ ਟੀਮ ਦੇ ਸਾਬਕਾ ਖਿਡਾਰੀ ਮਾਈਕਲ ਮੈਕਲਿਓਡ, ਕਾਰਟਰ ਹਾਰਟ, ਅਲੈਕਸ ਫੋਰਮੈਂਟਨ, ਡਿਲਨ ਡੁਬੇ ਅਤੇ ਕੈਲ ਫੁੱਟ 'ਤੇ ਜੂਨ 2018 ਵਿਚ ਜਿੱਤ ਦੇ ਜਸ਼ਨ ਤੋਂ ਬਾਅਦ ਓਨਟਾਰੀਓ ਦੇ ਲੰਡਨ ਦੇ ਇੱਕ ਹੋਟਲ ਵਿਚ ਇੱਕ ਲੜਕੀ ਨਾਲ ਜਿਨਸੀ ਸੋਸ਼ਣ ਕਰਨ ਦਾ ਦੋਸ਼ ਹੈ।
ਲੜਕੀ ਦੀ ਪਛਾਣ ਪ੍ਰਕਾਸ਼ਨ 'ਤੇ ਪਾਬੰਦੀ ਤਹਿਤ ਗੁਪਤ ਰੱਖੀ ਗਈ ਹੈ। ਇਸ ਮਾਮਲੇ ਨਾਲ ਸਬੰਧਤ ਸਾਬਕਾ ਖਿਡਾਰੀਆਂ ਨੇ ਹੁਣ ਤੱਕ ਦੋਸ਼ ਸਵੀਕਾਰ ਨਹੀਂ ਕੀਤਾ ਹੈ।
