9.74C Vancouver 9.74C VancouverJan 24, 2020 1:29 AM -
ਵੈਨਕੂਵਰ 'ਚ ਸੁਪ੍ਰੀਮ ਕੋਰਟ 'ਤੇ ਲਗਾਤਾਰ ਚੌਥੇ ਦਿਨ ਨਜ਼ਰਾਂ ਟਿਕੀਆਂ ਰਹੀਆਂ।
ਇਸਦੀ ਵਜ੍ਹਾ ਸੀ ਵੈਨਕੂਵਰ ਵਿੱਚ ਚੀਨ ਦੀ ਦਿੱਗਜ ਟੈਲੀਕਾਮ ਕੰਪਨੀ, ਹੁਆਵੇ ਦੀ ਚੀਫ ਫਾਇਨੈਨਸ਼ੀਅਲ ਔਫੀਸਰ (CFO) ਮੈਂਗ ਵਾਨਜ਼ੂ ਦੀ ਅਮਰੀਕਾ ਨੂੰ ਸਪੁਰਦਗੀ ਨੂੰ ਲੈਕੇ ਹੋ ਰਹੀ ਸੁਣਵਾਈ।
ਕਥਿਤ ਠੱਗੀ ਦੇ ਮਾਮਲੇ ਨੂੰ ਲੈਕੇ ਅਮਰੀਕਾ ਵੱਲੋਂ ਮੈਂਗ ਵਾਨਜ਼ੂ ਦੀ ਸਪੁਰਦਗੀ ਦੀ ਮੰਗ ਕੀਤੀ ਗਈ ਹੈ।
ਅੱਜ ਦੀ ਸੁਣਵਾਈ ਤੋਂ ਬਾਅਦ ਜੱਜ ਨੇ ਆਪਣਾ ਫੈਸਲਾ ਸੁਰਖਿਅਤ ਰੱਖ ਲਿਆ ਹੈ। ਜੱਜ ਦਾ ਕਹਿਣਾ ਸੀ ਕਿ ਫੈਸਲਾ ਆਉਣ ਵਾਲੇ ਦਿਨਾਂ 'ਚ ਸੁਣਾਇਆ ਜਾਵੇਗਾ।
ਇਸਤੋਂ ਅਲਾਵਾ ਬਚਾਅ ਪੱਖ ਦੇ ਵਕੀਲ ਦਾ ਕਹਿਣਾ ਸੀ ਕਿ ਮਾਮਲੇ 'ਚ ਫੈਸਲਾ, ਇਸ ਮਸਲੇ ਦਾ ਵੀ ਫੈਸਲਾ ਕਰੇਗਾ ਕਿ ਅਦਾਲਤ ਵਿਦੇਸ਼ਾਂ ਦੀਆਂ ਨੀਤੀਆਂ ਨੂੰ ਰੱਦ ਕਰੇਗੀ ਜਾਂ ਨਹੀਂ।
ਇਸਤੋਂ ਪਹਿਲਾਂ ਸੋਮਵਾਰ ਨੂੰ ਮੈਂਗ ਵਾਨਜ਼ੂ ਦੇ ਬਚਾਅ ਪੱਖ ਦੇ ਵਕੀਲ ਦਾ ਕਹਿਣਾ ਸੀ ਕਿ ਉਨ੍ਹਾਂ ਦੇ ਕਲਾਈਂਟ ਦੇ ਖਿਲਾਫ ਲਗਾਏ ਗਏ ਇਲਜ਼ਾਮ ਕਾਲਪਨਿਕ ਹਨ।
ਰਿਚਰਡ ਪੈਕ ਨੇ ਆਖਿਆ ਸੀ ਕਿ ਮਾਮਲੇ 'ਚ ਅਮਰੀਕਾ ਦੇ ਲਗਾਏ ਇਲਜ਼ਾਮ, ਦੇਸ਼ ਦੇ ਇਰਾਨ ਖਿਲਾਫ ਵਧੇਰੇ ਸੈਂਕਸ਼ਨਸ ਲਗਾਉਣ ਦੀ ਇੱਕ ਕੋਸ਼ਿਸ਼ ਦਾ ਹਿੱਸਾ ਹਨ।
ਇਸ ਹਫਤੇ ਦੀ ਸੁਣਵਾਈ ਦੇ ਦੌਰਾਨ, ਡਬਲ ਕ੍ਰੀਮੀਨੈਲਟੀ (double criminality) ਦੇ ਮਸਲੇ ਤੇ ਬਹਿਸ ਹੋ ਰਹੀ ਸੀ, ਜਿਸ ਦੌਰਾਨ ਤੈਅ ਕੀਤਾ ਜਾ ਰਿਹਾ ਹੈ ਕਿ ਮੈਂਗ ਵਾਨਜ਼ੂ 'ਤੇ ਲੱਗੇ ਇਲਜਾਮ, ਕੈਨੇਡਾ 'ਚ ਵੀ ਅਪਰਾਧ ਹਨ ਜਾਂ ਨਹੀਂ, ਅਤੇ ਜੇਕਰ ਇਹ ਇਲਜਾਮ ਕੈਨੇਡਾ 'ਚ ਅਪਰਾਧ ਸਾਬਿਤ ਹੁੰਦੇ ਹਨ, ਤਾਂ ਫੇਰ ਉਨ੍ਹਾਂ ਨੂੰ ਅਮਰੀਕਾ ਦੇ ਸਪੁਰਧ ਕੀਤਾ ਜਾ ਸਕਦਾ ਹੈ।
ਯਾਦ ਰਹੇ ਸਾਲ 2018 'ਚ ਹੋਈ ਮੈਂਗ ਵਾਨਜ਼ੂ ਦੀ ਗਿਰਫਤਾਰੀ ਤੋਂ ਬਾਅਦ ਤੋਂ ਕੈਨੇਡਾ ਅਤੇ ਚੀਨ ਦੇ ਰਿਸ਼ਤਿਆਂ 'ਚ ਤ੍ਰੇੜ ਰਹੀ ਹੈ।
