15.68C Vancouver 15.68C VancouverJun 26, 2020 9:25 PM -
ਫਰਸਟ ਨੇਸ਼ਨਜ਼ ਸਿਹਤ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਕੋਵਿਡ-19 ਪੈਂਡੇਮਿਕ ਦਾ ਬੀ.ਸੀ. ਦੇ ਇੰਡੀਜਨਸ ਭਾਈਚਾਰਿਆਂ 'ਤੇ ਦਰਮਿਆਨਾ ਪ੍ਰਭਾਵ ਹੀ ਪਿਆ ਹੈ।
ਇਸ ਦੇ ਪਿੱਛੇ ਕਾਰਨ ਵਜੋਂ ਇਤਿਹਾਸ ਦਾ ਜ਼ਿਕਰ ਕੀਤਾ ਗਿਆ ਹੈ।
ਫਰਸਟ ਨੇਸ਼ਨਜ਼ ਹੈਲਥ ਅਥਾਰਿਟੀ ਦੀ ਐਕਟਿੰਗ ਚੀਫ਼ ਮੈਡਿਕਲ ਅਫ਼ਸਰ, ਡਾ. ਸ਼ੈਨਨ ਮੈਕਡੌਨਲਡ ਅਤੇ ਬੀ.ਸੀ. ਦੀ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ ਡਾ. ਬੌਨੀ ਹੈਨਰੀ ਨੇ ਇਸ ਸੰਬੰਧੀ ਟਿੱਪਣੀਆਂ ਅੱਜ ਸਵੇਰ ਦੀ ਇੱਕ ਨਿਊਜ਼ ਕਾਨਫਰੰਸ 'ਚ ਕੀਤੀਆਂ।
ਉਨ੍ਹਾਂ ਕਿਹਾ ਕਿ ਫਰਸਟ ਨੇਸ਼ਨਜ਼ ਨੇ ਕੋਵਿਡ-19 ਦੇ ਫੈਲਾਅ ਨੂੰ, ਸਦੀਆਂ ਤੋਂ ਸਿੱਖੇ ਤਜੁਰਬੇ ਦੇ ਆਸਰੇ ਰੋਕਿਆ।
ਪੁਰਾਣੇ ਸਮੇਂ 'ਚ ਵੀ ਬਿਮਾਰੀਆਂ ਦੇ ਫੈਲਾਅ ਨੂੰ ਬਾਹਰੀ ਲੋਕਾਂ ਤੋਂ ਬਚਾਅ ਕਰ ਕੇ ਰੋਕਿਆ ਜਾਂਦਾ ਸੀ।
ਮੈਕਡੌਨਲਡ ਨੇ ਕਿਹਾ ਕਿ ਬੀ.ਸੀ. ਦੇ ਇੰਡੀਜਨਸ ਲੋਕਾਂ 'ਚ ਜਨਵਰੀ 1 ਤੋਂ ਹੁਣ ਤੱਕ, 87 ਮਾਮਲੇ ਰਿਪੋਰਟ ਹੋਏ ਹਨ, ਜਿਸ ਦੇ ਵਿੱਚੋਂ 4 ਲੋਕਾਂ ਨੇ ਦਮ ਤੋੜਿਆ ਹੈ।
ਉਨ੍ਹਾਂ ਕਿਹਾ ਕਿ ਅੰਕੜੇ ਕਾਮਯਾਬੀ ਬਿਆਨ ਕਰਦੇ ਹਨ।
