20.96C Vancouver 20.96C VancouverJul 23, 2020 7:29 PM -
ਫ਼ੈਡਰਲ ਸਰਕਾਰ ਦਾ ਕਹਿਣਾ ਹੈ ਕਿ ਉਸ ਐਪ ਦੀ ਬੇਟਾ ਟੈਸਟਿੰਗ (Beta testing) ਸ਼ੁਰੂ ਹੋ ਗਈ ਹੈ, ਜਿਸ ਸਮਾਰਟਫ਼ੋਨ ਐਪ ਦੀ ਵਰਤੋਂ ਆਸਰੇ ਇਹ ਪਤਾ ਕੀਤਾ ਜਾ ਸਕਦਾ ਹੈ ਕਿ ਕੋਈ ਵਿਅਕਤੀ ਕਿਸੇ ਕੋਵਿਡ-19 ਪੀੜਤ ਦੇ ਸੰਪਰਕ 'ਚ ਆਇਆ ਹੋ ਸਕਦਾ ਹੈ।
ਪਹਿਲਾਂ ਦਿੱਤੀ ਗਈ ਸਮੇਂ ਸੀਮਾ ਅਨੁਸਾਰ ਇਸ ਐਪ ਦੀ ਟੈਸਟਿੰਗ ਔਂਟੈਰੀਓ 'ਚ ਇਸੇ ਮਹੀਨੇ ਦੀ ਸ਼ੁਰੂਆਤ 'ਚ ਕੀਤੀ ਜਾਣੀ ਸੀ, ਪਰ ਇਸ ਟ੍ਰਾਇਲ 'ਚ ਦੇਰੀ ਹੋਈ।
ਹੁਣ ਫ਼ੈਡਰਲ ਸਰਵਿਸਿਜ਼ ਨੂੰ ਔਨਲਾਈਨ ਪਾਉਣ ਵਾਲੀ ਅਜੈਂਸੀ, ਕਨੇਡੀਅਨ ਡਿਜੀਟਲ ਸਰਵਿਸ ਨੇ ਲੋਕਾਂ ਨੂੰ 'ਸਾਈਨ-ਅਪ' ਕਰਨ ਲਈ ਅਤੇ ਐਪ ਨੂੰ ਜਾਂਚਣ ਲਈ ਕਿਹਾ ਹੈ।
'ਕੋਵਿਡ ਐਲਰਟ ਐਪ' ਵੱਲੋਂ ਫ਼ੋਨਾਂ ਨੂੰ ਟ੍ਰੈਕ ਕੀਤਾ ਜਾਵੇਗਾ ਅਤੇ ਲੋਕੇਸ਼ਨ ਦਾ ਪਤਾ ਲਗਾਇਆ ਜਾਵੇਗਾ, ਪਰ ਅਜਿਹਾ ਕਰਦੇ ਹੋਏ ਕਿਸੇ ਪ੍ਰਕਾਰ ਦੀ ਨਿੱਜੀ ਜਾਣਕਾਰੀ ਹਾਸਿਲ ਨਹੀਂ ਕੀਤੀ ਜਾਵੇਗੀ।
ਇਸ ਦੀ ਵਰਤੋਂ ਕਰਨ ਵਾਲਿਆਂ ਨੂੰ ਫਿਰ ਸੰਪਰਕ ਕੀਤਾ ਜਾਵੇਗਾ ਕਿ ਉਨ੍ਹਾਂ ਦਾ ਫ਼ੋਨ ਕਿਸੇ ਅਜਿਹੇ ਵਿਅਕਤੀ ਦੇ ਫ਼ੋਨ ਦੀ ਲੋਕੇਸ਼ਨ ਕੋਲ ਤਾਂ ਨਹੀਂ ਸੀ, ਜੋ ਕਿ ਕੋਵਿਡ-19 ਨਾਲ ਪੀੜਤ ਪਾਇਆ ਗਿਆ ਹੋਵੇ।
ਅਜੈਂਸੀ ਦਾ ਕਹਿਣਾ ਹੈ ਕਿ ਟੈਸਟ ਫ਼ੇਜ਼ ਦੇ ਦੌਰਾਨ ਐਪ ਵੱਲੋਂ ਗਲਤ ਐਲਰਟ ਭੇਜੇ ਜਾਣਗੇ, ਤਾਂ ਜੋ ਪਤਾ ਕੀਤਾ ਜਾ ਸਕੇ ਕਿ ਐਪ ਸਹੀ ਤਰੀਕੇ ਨਾਲ ਕੰਮ ਕਰ ਰਹੀ ਹੈ।
