12.74C Vancouver 12.74C VancouverAug 4, 2020 8:33 PM -
ਕੈਨੇਡਾ ਦੀ ਚੀਫ਼ ਪਬਲਿਕ ਹੈਲਥ ਔਫ਼ੀਸਰ ਦਾ ਕਹਿਣਾ ਹੈ ਕਿ ਕੋਵਿਡ-19 ਦੇ ਨਾਲ ਲ਼ੜਾਈ ਲੜਨ ਵਾਸਤੇ ਬਣਾਈ ਜਾ ਰਹੀ ਵੈਕਸੀਨ ਕੋਈ ਚਮਤਕਾਰੀ ਕੰਮ ਨਹੀਂ ਕਰਨ ਵਾਲੀ ਹੈ।
ਉਨ੍ਹਾਂ ਦਾ ਕਹਿਣਾ ਹੈ ਕਿ ਪਬਲਿਕ ਹੈਲਥ ਏਜੰਸੀ ਔਫ਼ ਕੈਨੇਡਾ ਜੇਕਰ ਅਗਲੇ 2-3 ਸਾਲ ਨਹੀਂ ਤਾਂ, ਘੱਟੋ-ਘੱਟ ਅਗਲੇ ਇੱਕ ਸਾਲ ਤੱਕ ਇਸ ਸਥਿਤੀ ਨਾਲ ਲੜਨ ਲਈ ਯੋਜਨਾ ਬਣਾ ਰਹੀ ਹੈ।
ਉਨ੍ਹਾਂ ਮੁਤਾਬਕ ਇਸ ਦਾ ਕਾਰਨ ਇਹ ਹੈ ਕਿ ਦੁਨੀਆ ਭਰ ਦੇ ਖੋਜਕਰਤਾ ਨਹੀਂ ਜਾਣਦੇ ਕਿ ਕੋਈ ਵੀ ਵੈਕਸੀਨ ਕਿੰਨੀ ਕਾਰਗਰ ਸਿੱਧ ਹੋਵੇਗੀ।
ਡਾ. ਟੈਮ ਨੇ ਇਹ ਵੀ ਕਿਹਾ ਕਿ ਰੋਜ਼ ਦੀ ਜ਼ਿੰਦਗੀ ਵਿਚ ਵਰਤੇ ਜਾਣ ਵਾਲੀਆਂ ਸਾਵਧਾਨੀਆਂ ਅਜੇ ਲੰਬੇ ਸਮੇਂ ਤੱਕ ਜਾਰੀ ਰਹਿਣਗੀਆਂ।
ਫੈਡਰਲ 'ਕੋਵਿਡ ਐਲਰਟ' ਐਪ ਦੀ ਹੋ ਰਹੀ ਆਲੋਚਨਾ ਦਰਮਿਆਨ , ਸਵਾਲਾਂ ਦਾ ਜਵਾਬ ਦਿੰਦਿਆਂ ਡਾ. ਟੈਮ ਨੇ ਕਿਹਾ ਕਿ ਇਹ ਨੋਵੇਲ ਕੋਰੋਨਾਵਾਇਰਸ ਦੇ ਨਾਲ ਲੜਨ ਲਈ ਬਹੁਤ ਸਾਰੇ ਟੂਲਜ਼ ਵਿੱਚੋਂ ਇੱਕ ਹੈ, ਅਤੇ ਪੈਂਡੇਮਿਕ ਦੇ ਨਾਲ ਲੜਾਈ ਲ਼ੜਨ ਲਈ ਹਰ ਟੂਲ ਦੀ ਵਰਤੋਂ ਕਰਨਾ ਜ਼ਰੂਰੀ ਹੈ, ਭਾਵੇਂ ਉਹ 'ਪਰਫੈਕਟ' ਨਾ ਹੀ ਹੋਣ।
ਜ਼ਿਕਰਯੋਗ ਹੈ, ਆਲੋਚਕਾਂ ਦਾ ਕਹਿਣਾ ਹੈ ਕਿ 'ਕੋਵਿਡ ਐਲਰਟ' ਐਪ, 4-5 ਸਾਲ ਤੋਂ ਵੱਧ ਪੁਰਾਣੇ ਫੋਨਜ਼ ਤੇ ਕੰਮ ਨਹੀਂ ਕਰਦੀ, ਜਿਸ ਕਾਰਨ ਇਨ੍ਹਾਂ ਦੀ ਵਰਤੋਂ ਕਰਨ ਵਾਲੇ ਬਜ਼ੁਰਗ ਲੋਕ ਹੋਰ ਖਤਰੇ ਵਿਚ ਆ ਜਾਣਗੇ।
