10.68C Vancouver 10.68C VancouverDec 11, 2025 1:55 PM - Connect Newsroom - Ramandeep Kaur with files from The Canadian Press
ਕੈਨੇਡਾ ਰੈਵੇਨਿਊ ਏਜੰਸੀ ਵਲੋਂ ਲਗਭਗ 1,700 ਕਾਲ ਸੈਂਟਰ ਵਰਕਰਜ਼ ਦੀ ਨਿਯੁਕਤੀ ਕੀਤੇ ਜਾਣ ਦੀ ਯੋਜਨਾ ਹੈ,ਜਿਸ ਵਿਚ ਕੁਝ ਦੇ ਕੰਟਰੈਕਟ ਦੁਬਾਰਾ ਰੀਨਿਊ ਵੀ ਕੀਤੇ ਜਾਣਗੇ। ਇਸ ਦਾ ਉਦੇਸ਼ ਆਗਾਮੀ ਟੈਕਸ ਸੀਜ਼ਨ ਵਿਚ ਵੱਡੀ ਗਿਣਤੀ ਵਿਚ ਆਉਣ ਵਾਲੀਆਂ ਕਾਲ ਨੂੰ ਮੈਨੇਜ ਕਰਨਾ ਹੈ।
ਸੀ.ਆਰ.ਏ.ਦੀ ਸਹਾਇਕ ਕਮਿਸ਼ਨਰ ਮੇਲਾਨੀ ਸਰਜਾਕ ਨੇ ਦੱਸਿਆ ਕਿ ਏਜੰਸੀ ਦਾ ਟੀਚਾ ਏਜੰਟ ਦੀ ਕੁੱਲ ਗਿਣਤੀ ਨੂੰ ਲਗਭਗ 4,500 ਤੱਕ ਲਿਜਾਣਾ ਹੈ। ਉਨ੍ਹਾਂ ਕਿਹਾ ਕਿ ਸੀ.ਆਰ.ਏ. ਲਈ ਉੱਚ ਸਿਖਰ ਸੀਜ਼ਨ ਦੌਰਾਨ ਆਪਣੇ ਸਟਾਫ ਦੇ ਪੱਧਰ ਨੂੰ ਵਧਾਉਣਾ ਆਮ ਗੱਲ ਹੈ ਕਿਉਂਕਿ ਉਸ ਸਮੇਂ ਏਜੰਸੀ ਨੂੰ ਪ੍ਰਤੀ ਦਿਨ 300,000 ਤੋਂ ਵੱਧ ਫੋਨ ਕਾਲ ਪ੍ਰਾਪਤ ਕਰਨ ਦੀ ਸੰਭਾਵਨਾ ਹੁੰਦੀ ਹੈ।
ਸਰਜਾਕ ਨੇ ਕਿਹਾ ਕਿ ਪਿਛਲੇ ਸਾਲ ਟੈਕਸ ਫਾਈਲਿੰਗ ਸੀਜ਼ਨ ਦੇ ਸਿਖਰ 'ਤੇ ਏਜੰਸੀ ਕੋਲ ਲਗਭਗ 3,300 ਕਾਲ ਸੈਂਟਰ ਸਟਾਫ ਸੀ,ਇਸ ਸਾਲ ਇਸ ਗਿਣਤੀ ਨੂੰ ਵਧਾਉਣ ਲਈ 1,000 ਤੋਂ ਵੱਧ ਲੋਕਾਂ ਦੀ ਭਰਤੀ ਕੀਤੀ ਜਾਰੀ ਹੈ। ਉਨ੍ਹਾਂ ਕਿਹਾ ਕਿ ਇਸ ਸਮੇਂ ਸੀ.ਆਰ.ਏ. ਕਾਲ ਸੈਂਟਰ ਵਿਚ ਲਗਭਗ 2,700 ਕਰਮਚਾਰੀ ਕੰਮ ਕਰ ਰਹੇ ਹਨ।
ਗੌਰਤਲਬ ਹੈ ਕਿ ਕੈਨੇਡਾ ਰੈਵੇਨਿਊ ਏਜੰਸੀ ਆਪਣੇ ਸਟਾਫਿੰਗ ਪੱਧਰ ਨੂੰ ਵਧਾਉਣ ਦੀ ਕੋਸ਼ਿਸ਼ ਉਸ ਸਮੇਂ ਕਰ ਰਹੀ ਹੈ ਜਦੋਂ ਕਈ ਵਿਭਾਗ ਅਤੇ ਏਜੰਸੀਆਂ ਆਪਣੇ ਕਰਮਚਾਰੀਆਂ ਨੂੰ ਨੌਕਰੀਆਂ ਵਿਚ ਕਟੌਤੀ ਹੋਣ ਦੀ ਚਿਤਾਵਨੀ ਦੇ ਰਹੇ ਹਨ।
