ਸਿਤੰਬਰ ਦੇ ਰਿਕਾਰਡ ਵਿਕਰੀ ਅੰਕੜੇ ਤੋਂ ਬਾਅਦ, ਅਕਤੂਬਰ 'ਚ ਘਰਾਂ ਦੀ ਵਿਕਰੀ 'ਚ ਕੁਝ ਗਿਰਾਵਟ

ਕਨੇਡੀਅਨ ਰੀਅਲ ਐਸਟੇਟ ਐਸੋਸੀਏਸ਼ਨ (Canadian Real Estate Association) ਨੇ ਜਾਣਕਾਰੀ ਦਿੱਤੀ ਹੈ ਕਿ ਬੀਤੇ ਮਹੀਨੇ ਘਰਾਂ ਦੀ ਵਿਕਰੀ 'ਚ 0.7% ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ।

ਇਸ ਤੋਂ ਪਹਿਲਾਂ ਸਿਤੰਬਰ ਦੇ ਮਹੀਨੇ 'ਚ ਘਰਾਂ ਦੀ ਵਿਕਰੀ ਨੇ ਰਿਕਾਰਡ ਸਥਾਪਿਤ ਕਰ ਦਿੱਤਾ ਸੀ।

ਹਾਲਾਂਕਿ ਅੱਜ ਦੀ ਗਿਰਾਵਟ ਦੇ ਬਾਵਜੂਦ, ਬੀਤੇ ਸਾਲ ਅਕਤੂਬਰ ਮਹੀਨੇ ਦੇ ਮੁਕਾਬਲੇ ਇਸ ਸਾਲ ਵਿਕਰੀ 32.1% ਵਧੇਰੇ ਰਹੀ ਹੈ।

ਇਹ ਅਕਤੂਬਰ ਮਹੀਨੇ ਲਈ ਰਿਕਾਰਡ ਵਿਕਰੀ ਦੱਸੀ ਗਈ ਹੈ।

ਅਕਤੂਬਰ 'ਚ ਰਾਸ਼ਟਰੀ ਪੱਧਰ 'ਤੇ ਘਰਾਂ ਦੀ ਔਸਤਨ ਕੀਮਤ 6,07,250 ਡਾਲਰ ਰਹੀ, ਜੋ ਕਿ ਨਵਾਂ ਰਿਕਾਰਡ ਹੈ।

ਬੀਤੇ ਸਾਲ ਦੇ ਅਕਤੂਬਰ ਮਹੀਨੇ ਦੇ ਮੁਕਾਬਲੇ, ਇਹ 15.2% ਦਾ ਵਾਧਾ ਹੈ।