ਪਿਛਲੇ ਸਾਲ ਦੇ ਮੁਕਾਬਲੇ ਇਸ ਸਾਲ ਅਪਰਾਧਾਂ 'ਚ ਚਾਰ ਫੀਸਦੀ ਆਈ ਗਿਰਾਵਟ:ਸਟੈਟਿਸਟਿਕਸ ਕੈਨੇਡਾ

ਸਟੈਟਿਸਟਿਕਸ ਕੈਨੇਡਾ ਮੁਤਾਬਕ ਪਿਛਲੇ ਸਾਲ ਦੇ ਮੁਕਾਬਲੇ ਇਸ ਸਾਲ ਅਪਰਾਧਾਂ ਵਿੱਚ ਚਾਰ ਫੀਸਦੀ ਗਿਰਾਵਟ ਆਈ ਹੈ। ਏਜੰਸੀ ਦੇ ਅੰਕੜੇ ਦੱਸਦੇ ਹਨ ਕਿ ਕੈਨੇਡਾ ਵਿੱਚ ਪੁਲਿਸ ਵਲੋਂ ਰਿਪੋਰਟ ਕੀਤੇ ਗਏ ਅਪਰਾਧਾਂ ਦੀ ਮਾਤਰਾ ਅਤੇ ਗੰਭੀਰਤਾ ਵਿੱਚ ਪਿਛਲੇ ਸਾਲ ਨਾਲੋਂ ਚਾਰ ਫੀਸਦੀ ਦੀ ਗਿਰਾਵਟ ਆਈ ਹੈ।

ਇਹ ਗਿਰਾਵਟ ਲਗਾਤਾਰ 2021 ਤੋਂ 2023 ਤੱਕ ਤਿੰਨ ਸਾਲਾਂ ਦੇ ਨੌਂ ਫ਼ੀਸਦੀ ਵਾਧੇ ਤੋਂ ਬਾਅਦ ਦੇਖਣ ਨੂੰ ਮਿਲੀ ਹੈ। ਏਜੰਸੀ ਦਾ ਕਹਿਣਾ ਹੈ ਕਿ ਗੈਰ ਹਿੰਸਕ ਅਪਰਾਧਾਂ ਵਿੱਚ ਸਭ ਤੋਂ ਵੱਧ ਗਿਰਾਵਟ ਦਰਜ ਕੀਤੀ ਗਈ ਹੈ। ਨਸ਼ੇ ਅਤੇ ਜਾਇਦਾਦ ਨਾਲ ਸੰਬੰਧਿਤ ਅਪਰਾਧਾਂ ਵਿੱਚ ਛੇ ਫ਼ੀਸਦੀ ਗਿਰਾਵਟ ਆਈ ਹੈ।