23.61C Vancouver 23.61C VancouverSep 23, 2020 10:13 PM -
ਜਾਂਚ ਅਧਿਕਾਰੀਆਂ ਨੂੰ ਉਮੀਦ ਹੈ ਕਿ ਸੋਮਵਾਰ ਨੂੰ ਵੈਨਕੂਵਰ ਦੇ ਸਟਰੈਥਕੋਨਾ ਪਾਰਕ 'ਚ ਵਾਪਰੀ ਘਟਨਾ ਬਾਰੇ, ਕਿਸੇ ਵਿਅਕਤੀ ਵੱਲੋਂ ਜਾਣਕਾਰੀ ਸਾਂਝੀ ਕੀਤੀ ਜਾ ਸਕੇ।
ਕਾਂਸਟੇਬਲ ਤਾਨੀਆ ਵਿਸਿੰਟਨ ਦਾ ਕਹਿਣਾ ਹੈ ਕਿ ਇੱਕ ਵਿਅਕਤੀ ਇਸ ਪਾਰਕ 'ਚ ਕਰੀਬ 12 ਘੰਟੇ ਤੱਕ ਜ਼ਖਮੀ ਹਾਲਤ 'ਚ ਪਿਆ ਰਿਹਾ ਹੋ ਸਕਦਾ ਹੈ।
ਇਸ ਤੋਂ ਬਾਅਦ ਉਸ ਤੱਕ ਪੈਰਾਮੈਡਿਕ ਟੀਮਾਂ ਪਹੁੰਚੀਆਂ।
ਹਸਪਤਾਲ ਪਹੁੰਚਣ 'ਤੇ ਡਾਕਟਰਾਂ ਦਾ ਕਹਿਣਾ ਸੀ ਕਿ ਪੀੜਤ ਨਾਲ ਕੁੱਟਮਾਰ ਹੋਈ ਹੋ ਸਕਦੀ ਹੈ।
ਪੁਲਿਸ ਬੁਲਾਰੀ ਦਾ ਕਹਿਣਾ ਸੀ ਕਿ ਪੀੜਤ ਦੀ ਉਮਰ 20 ਤੋਂ 30 ਸਾਲ ਦੇ ਦਰਮਿਆਨ ਦੀ ਹੈ, ਅਤੇ ਉਸ ਦੀ ਹਾਲਤ ਨਾਜ਼ੁਕ ਦੱਸੀ ਗਈ ਹੈ।
ਜਾਂਚ ਅਧਿਕਾਰੀਆਂ ਵੱਲੋਂ ਉਸ ਅਣਪਛਾਤੇ ਵਿਅਕਤੀ ਦੀ ਵੀ ਭਾਲ ਕੀਤੀ ਜਾ ਰਹੀ ਹੈ, ਜਿਸ ਨੇ ਐਂਬੂਲੈਂਸ ਬੁਲਾਈ ਸੀ।
