ਡੇਵਿਡ ਇਬੀ: ਸਰਕਾਰਾਂ ਨੂੰ ਆਈ.ਸੀ.ਬੀ.ਸੀ. ਦੇ ਵਾਧੂ ਪੈਸਿਆਂ ਤੋਂ ਦੂਰ ਰੱਖਣ ਲਈ ਨਵਾਂ ਕਨੂੰਨ

ਬੀ.ਸੀ. ਦੀ ਐਨ.ਡੀ.ਪੀ. ਸਰਕਾਰ ਇੱਕ ਨਵਾਂ ਕਾਨੂੰਨ ਲਿਆ ਰਹੀ ਹੈ, ਜੋ ਅੱਗੇ ਵਾਸਤੇ ਕਿਸੇਵੀ ਸਰਕਾਰ ਨੂੰ ਆਈ.ਸੀ.ਬੀ.ਸੀ. ਤੋਂ ਪੈਸੇ ਕੱਢਣ ਤੋਂ ਰੋਕੇਗਾ।

ਵਿਕਟੋਰੀਆ ਵਿੱਚ ਇਹ ਐਲਾਨ ਕਰਦਿਆਂ ਅਟੌਰਨੀ ਜਨਰਲ,ਵੀ ਡੇਵਿਡ ਇਬੀ (David Eby) ਨੇ ਕਿਹਾ ਕਿ ਆਉਣ ਵਾਲੇ ਸਮੇਂ ਵਿੱਚ ਕਿਸੇ ਸਰਕਾਰ ਨੂੰ ਆਈ.ਸੀ.ਬੀ.ਸੀ. ਤੋਂ ਸਰਪਲਸ ਆਪਸ਼ਨਲ ਕੈਪੀਟਲ (surplus optional capital) ਕੱਢਣ ਲਈ, ਵਿਧਾਇਕਾਂ (MLAs) ਦੀ ਬਹੁਮਤ ਨੂੰ ਰਾਜ਼ੀ ਕਰਨਾ ਪਵੇਗਾ, ਅਤੇ ਇਹ ਹਾਲ ਦੀ ਘੜੀ ਜਾਂ ਲੰਬੇ ਸਮੇਂ ਵਿੱਚ ਅਸੰਭਵ ਜਾਪਦਾ ਹੈ।

ਡੇਵਿਡ ਇਬੀ (David Eby) ਨੇ ਕਿਹਾ ਕਿ ਜਦੋਂ ਵਾਧੂ ਪੈਸੇ, ਆਈ.ਸੀ.ਬੀ.ਸੀ. ਵਿੱਚ ਹੀ ਰਹਿੰਦੇ ਹਨ ਤੇ ਉਸ ਦਾ ਫਾਇਦਾ ਚਾਲਕਾਂ ਨੂੰ, ਘੱਟ ਰੇਟਸ ਦੀ ਸ਼ਕਲ ਵਿੱਚ ਹੁੰਦਾ ਹੈ।

ਡੇਵਿਡ ਇਬੀ (David Eby) ਨੇ ਕਿਹਾ ਕਿ ਪਿਛਲੀ ਸਰਕਾਰ ਦੇ ਆਈ.ਸੀ.ਬੀ.ਸੀ. ਵਿੱਚੋਂ 1.2 ਬਿਲੀਅਨ ਡਾਲਰ ਕੱਢੇ ਜਾਣ ਕਾਰਨ, ਬੇਸਿਕ ਇੰਸ਼ੋਰੈਂਸ ਰੇਟ (basic insurance rate) ਵੱਧ ਗਿਆ ਅਤੇ ਇਹ ਦੁਬਾਰਾ ਨਹੀਂ ਹੋਣਾ ਚਾਹੀਦਾ।