13.35C Vancouver 13.35C VancouverJul 28, 2021 9:07 PM -
ਅੱਜ ਵੈਨਕੂਵਰ 'ਚ ਫੈਡਰਲ, ਪ੍ਰੋਵਿੰਸ਼ੀਅਲ ਅਤੇ ਸਿਟੀ ਅਧਿਕਾਰੀਆਂ ਨੇ ਸ਼ਹਿਰ ਦੇ ਸਭ ਤੋਂ ਵੱਡੇ ਸੋਸ਼ਲ ਹਾਊਸਿੰਗ ਪ੍ਰੋਜੈਕਟਸ ਵਿੱਚੋਂ ਇੱਕ ਸੰਬੰਧੀ ਐਲਾਨ ਕੀਤੇ ਹਨ।
ਇਸ 'ਚ $100 ਮਿਲੀਅਨ ਤੋਂ ਵਧੇਰੇ ਦੇ ਫੰਡ ਨਾਲ ਪ੍ਰੋਜੈਕਟਸ 'ਤੇ ਕੰਮ ਹੋਵੇਗਾ।
ਡਿਪਟੀ ਪ੍ਰਧਾਨ ਮੰਤਰੀ ਕ੍ਰਿਸਟੀਆ ਫ੍ਰੀਲੈਂਡ ਨੇ ਅਟੌਰਨੀ ਜਨਰਲ ਡੇਵਿਡ ਇਬੀ ਅਤੇ ਵੈਨਕੂਵਰ ਮੇਅਰ ਕੈਨੇਡੀ ਸਟੀਵਰਟ ਦੀ ਹਾਜ਼ਰੀ 'ਚ ਐਲਾਨ ਕੀਤਾ ਕਿ 10 ਮੰਜ਼ਿਲਾ ਅਤੇ 231 ਯੂਨਿਟ ਦੀ ਡਵੈਲਪਮੈਂਟ ਕੀਤੀ ਜਾਵੇਗੀ।
ਇਹ ਸ਼ਹਿਰ ਦੇ ਡਾਊਨਟਾਊਨ ਈਸਟਸਾਈਡ ਨਾਲ ਸੰਬੰਧਤ ਪ੍ਰੋਜੈਕਟ ਹੋਵੇਗਾ।
ਇਸ 'ਚ ਔਟਵਾ ਵੱਲੋਂ $45.8 ਮਿਲੀਅਨ ਦਾ ਯੋਗਦਾਨ ਪਾਇਆ ਜਾਵੇਗਾ।
ਸੂਬਾ ਸਰਕਾਰ ਇਸ 'ਚ $33.6 ਮਿਲੀਅਨ ਦਾ ਸਹਿਯੋਗ ਦੇਵੇਗੀ।
ਸਿਟੀ ਵੱਲੋਂ ਲੈਂਡ ਦਾ ਖਿਆਲ ਰੱਖਿਆ ਜਾਵੇਗਾ ਅਤੇ 99 ਸਾਲ ਦੀ ਲੀਜ਼ 'ਤੇ ਜਮੀਨ ਉਪਲਬਧ ਹੋਵੇਗੀ।
ਵੈਨਕੂਵਰ ਚਾਈਨਾਟਾਊਨ ਫਾਊਂਡੇਸ਼ਨ ਵੱਲੋਂ ਇਸ 'ਚ ਫੰਡਰੇਜ਼ਿੰਗ ਕੈਂਪੇਨ ਜ਼ਰੀਏ $30 ਮਿਲੀਅਨ ਦਾ ਸਹਿਯੋਗ ਦਿੱਤਾ ਜਾਵੇਗਾ।
ਇਸ ਪ੍ਰੋਜੈਕਟ 'ਚ 50,000 ਸਕਵੇਅਰ ਫੁੱਟ ਦਾ ਹੈਲਥ ਸੈਂਟਰ ਵੀ ਸ਼ਾਮਿਲ ਹੋਵੇਗਾ, ਜਿੱਥੇ ਮੈਂਟਲ ਹੈਲਥ ਅਤੇ ਐਡਿਕਸ਼ਨ ਸਰਵਿਸਿਸ ਸੰਬੰਧੀ ਸੇਵਾਵਾਂ ਉਪਲਬਧ ਹੋਣਗੀਆਂ।
