ਜੈਸਪਰ ਜੰਗਲੀ ਅੱਗ ਨੂੰ ਕੀਤਾ ਗਿਆ ਕਾਬੂ :ਪਾਰਕਸ ਕੈਨੇਡਾ

ਐਲਬਰਟਾ ਦੇ ਜੈਸਪਰ ਪਾਰਕ ਵਿਚ ਲੱਗੀ ਜੰਗਲੀ ਅੱਗ ਨੂੰ ਕਾਬੂ ਕਰ ਲਿਆ ਗਿਆ ਹੈ। ਪਾਰਕਸ ਕੈਨੇਡਾ ਦੇ ਇੰਸੀਡੈਂਟ ਕਮਾਂਡਰ ਨੇ ਜਾਣਕਾਰੀ ਦਿੱਤੀ ਇਸ ਨੂੰ ਪੂਰੀ ਤਰ੍ਹਾਂ ਬੁਝਾਉਣ ਵਿਚ ਅਜੇ ਸਮਾਂ ਲੱਗ ਸਕਦਾ ਹੈ ਪਰ ਫਿਰ ਵੀ ਖੁਸ਼ੀ ਦੀ ਗੱਲ ਹੈ ਕਿ ਇਸ ਨੂੰ ਕਾਬੂ ਕਰ ਲਿਆ ਗਿਆ ਹੈ।

ਇਸ ਦੇ ਬਾਵਜੂਦ ਕੈਂਪਗ੍ਰਾਉਂਡਸਅਤੇ ਕਈ ਟ੍ਰੇਲਸ ਫਿਲਹਾਲ ਬੰਦ ਰੱਖੇ ਜਾਣੇ ਹਨ ਕਿਉਂਕਿ ਅੱਗ ਕਾਰਨ ਕਮਜ਼ੋਰ ਹੋਏ ਦਰੱਖਤ ਲੋਕਾਂ ਲਈ ਖਤਰਾ ਹੋ ਸਕਦੇ ਹਨ। ਵੈੱਬਸਾਈਟ ਮੁਤਾਬਕ ਹਾਈਵੇਅ 16, ਹਾਈਵੇਅ 93N, ਕੋਲੰਬੀਆ ਆਈਸਫੀਲਡ ਖੇਤਰ, ਮੀਏਟ ਰੋਡ ਮੀਏਟ ਹੌਟ ਸਪ੍ਰਿੰਗਜ਼ ਖੇਤਰ, ਜੈਸਪਰ ਟਾਊਨ ਸਾਈਟ ਪਿਰਾਮਿਡ ਲੇਕ ਖੇਤਰ ਨੂੰ ਛੱਡ ਕੇ ਬਾਕੀ ਸੜਕਾਂ ਨੂੰ ਬੰਦ ਰੱਖਿਆ ਗਿਆ ਹੈ।

ਦੱਸ ਦਈਏ ਕਿ 17 ਅਗਸਤ ਨੂੰ ਅੱਗ ਕਾਬੂ ਵਿੱਚ ਦੱਸੀ ਗਈ ਸੀ ਇਸ ਤੋਂ ਪਹਿਲਾਂ 22 ਜੁਲਾਈ ਤੋਂ 16 ਅਗਸਤ ਤੱਕ ਇਹ ਬੇਕਾਬੂ ਰਹੀ ਹੈ। ਇਸ ਕਾਰਨ ਟਾਊਨ ਦੇ ਇਕ ਤਿਹਾਈ ਘਰ ਤੇ ਬਿਜ਼ਨਸ ਸੜ ਗਏ ਅਤੇ ਵਿਜ਼ਟਰਜ਼ ਸਣੇ ਕਰੀਬ 25 ਹਜ਼ਾਰ ਲੋਕਾਂ ਨੂੰ ਇੱਥੋਂ ਬਾਹਰ ਕੱਢਿਆ ਗਿਆ ਸੀ।