16.07C Vancouver 16.07C VancouverFeb 8, 2020 2:30 AM -
ਕੋਰੋਨਾਵਾਇਰਸ ਸੰਬੰਧੀ ਤਾਜ਼ਾ ਅੰਕੜੇ ਉਜਾਗਰ ਹੋਏ ਹਨ।
ਚੀਨ 'ਚ ਸਰਕਾਰ ਵੱਲੋਂ ਜਾਰੀ ਅੰਕੜਿਆਂ ਅਨੁਸਾਰ ਇਸ ਬਿਮਾਰੀ ਦੇ ਚਲਦਿਆਂ ਜਾਨ ਗਵਾਉਣ ਵਾਲਿਆਂ ਦੀ ਗਿਣਤੀ 700 ਦਾ ਅੰਕੜਾ ਟੱਪ ਗਈ ਹੈ।
ਇਸ ਬਿਮਾਰੀ ਦੀ ਭੇਂਟ ਚੜ੍ਹਨ ਵਾਲਿਆਂ ਦਾ ਅੰਕੜਾ 722 ਤਕ ਪਹੁੰਚ ਗਿਆ ਹੈ।
ਇਸ ਨਾਲ ਪ੍ਰਭਾਵਿਤ ਲੋਕਾਂ ਦੀ ਗਿਣਤੀ ਵਿੱਚ ਵੀ ਕੱਲ ਤੇ ਅੱਜ ਵਿਚਾਲੇ, 3,000 ਦਾ ਇਜ਼ਾਫਾ ਹੋਇਆ ਦੱਸਿਆ ਜਾ ਰਿਹਾ ਹੈ।
ਵੀਰਵਾਰ ਤੇ ਸ਼ੁੱਕਰਵਾਰ ਵਿਚਾਲੇ ਹੋਏ ਵਾਧੇ ਤੋਂ ਬਾਅਦ, ਹੁਣ ਕਰੀਬ 34,546 ਲੋਕ ਇਸ ਨਾਲ ਪ੍ਰਭਾਵਿਤ ਦੱਸੇ ਜਾ ਰਹੇ ਹਨ।
ਇਹ ਅੰਕੜੇ ਚੀਨੀ ਅਧਿਕਾਰੀਆਂ ਦੇ ਹਵਾਲੇ ਤੋਂ ਜਾਰੀ ਕੀਤੇ ਗਏ ਹਨ।
ਚੀਨ ਨੇ 12 ਸ਼ਹਿਰਾਂ 'ਚ ਆਵਾਜਾਈ ਸੰਬੰਧੀ ਵੀ ਖਾਸ ਕਿਸਮ ਦੇ ਨਿਰਦੇਸ਼ ਜਾਰੀ ਕੀਤੇ ਹੋਏ ਹਨ।
ਇਸ ਤਹਿਤ ਪ੍ਰਭਾਵਿਤ ਸ਼ਹਿਰਾਂ 'ਚ ਆਉਣਾ ਜਾਣਾ ਕਾਫੀ ਮੁਸ਼ਕਿਲ ਹੈ, ਜਿਸ ਕਾਰਨ ਕਰੀਬ 56 ਮਿਲੀਅਨ ਲੋਕ ਪ੍ਰਭਾਵਿਤ ਹਨ।
ਚੀਨੀ ਸਰਕਾਰ ਲੋਕਾਂ ਦੇ ਵੀ ਨਿਸ਼ਾਨੇ ਤੇ ਹੈ, ਖਾਸ ਤੌਰ ਤੇ ਕੱਲ ਜਦ ਉਸ ਡਾਕਟਰ ਦੀ ਜਾਨ ਜਾਂਦੀ ਰਹੀ, ਜਿਸਨੇ ਸਭ ਤੋਂ ਪਹਿਲਾਂ ਦਿਸੰਬਰ ਮਹੀਨੇ 'ਚ ਇਸ ਵਾਇਰਸ ਸੰਬੰਧੀ ਲੋਕਾਂ ਨੂੰ ਸਚੇਤ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ, ਅਤੇ ਉਲਟਾ ਓਹ ਹੀ ਸਰਕਾਰ ਦੇ ਨਿਸ਼ਾਨੇ 'ਤੇ ਆ ਗਿਆ ਸੀ।
ਇਸਨੂੰ ਲੈਕੇ ਲੋਕ ਨਾਰਾਜ਼ਗੀ ਜ਼ਾਹਿਰ ਕਰ ਰਹੇ ਹਨ।
