14.16C Vancouver 14.16C VancouverOct 2, 2020 3:35 PM -
ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟਰੰਪ ਅਤੇ ਉਨ੍ਹਾਂ ਦੀ ਪਤਨੀ ਮੇਲਾਨੀਆ ਟਰੰਪ ਕੋਵਿਡ -19 ਪੌਜ਼ਿਟਿਵ ਹਨ।
ਟਰੰਪ ਵੱਲੋਂ ਇਹ ਗੱਲ ਇੱਕ ਟਵੀਟ ਰਾਹੀਂ ਕੱਲ ਰਾਤ ਸਾਂਝੀ ਕੀਤੀ ਗਈ।
ਇਸ ਜਾਣਕਾਰੀ ਤੋਂ ਕੁਝ ਘੰਟੇ ਪਹਿਲਾਂ ਹੀ ਇਹ ਖਬਰ ਵੀ ਸਾਹਮਣੇ ਆਈ ਸੀ ਕਿ ਵ੍ਹਾਈਟ ਹਾਊਸ ਦੇ ਸੀਨੀਅਰ ਏਡ ਹੋਪ ਹਿਕਸ ਵਾਇਰਸ ਤੋਂ ਪ੍ਰਭਾਵਿਤ ਹੋਏ ਹਨ।
ਹਿਕਸ ਨੇ ਚੋਣ ਪ੍ਰਚਾਰ ਦੌਰਾਨ ਇਸ ਹਫਤੇ ਕਾਫੀ ਸਮਾਂ ਟਰੰਪ ਨਾਲ ਗੁਜ਼ਾਰਿਆ ਸੀ।
ਟਰੰਪ ਦੇ ਡਾਕਟਰ ਮੁਤਾਬਕ ਟਰੰਪ ਅਤੇ ਫਰਸਟ ਲੇਡੀ ਦੀ ਸਿਹਤ ਠੀਕ ਹੈ ਅਤੇ ਦੋਵੇਂ ਵ੍ਹਾਈਟ ਹਾਊਸ ਵਿਖੇ ਇਕੱਲਤਾ ਵਿੱਚ ਰਹਿਣਗੇ।
ਡਾਕਟਰ ਸ਼ੌਨ ਕੌਨਲੀ ਨੇ ਇਹ ਵੀ ਕਿਹਾ ਕਿ ਰਾਸ਼ਟਰਪਤੀ ਇਸ ਦੌਰਾਨ ਆਪਣਾ ਕੰਮ "ਬਿਨਾਂ ਕਿਸੇ ਰੁਕਾਵਟ" ਦੇ ਜਾਰੀ ਰੱਖਣਗੇ।
ਟਰੰਪ ਨੇ ਅੱਜ ਫਲੋਰੀਡਾ ਵਿਖੇ ਇੱਕ ਰੈਲੀ ਵਿੱਚ ਸ਼ਾਮਲ ਹੋਣ ਦੀ ਆਪਣੀ ਯੋਜਨਾ ਰੱਦ ਕਰ ਦਿੱਤੀ ਹੈ।
ਟਰੰਪ 74 ਸਾਲ ਦੇ ਹਨ ਜਿਸ ਕਾਰਨ ਉਨ੍ਹਾਂ ਦੀ ਸਿਹਤ ਉੱਤੇ ਵਾਇਰਸ ਦਾ ਵਧੇਰੇ ਅਸਰ ਹੋਣ ਦਾ ਖ਼ਤਰਾ ਵੀ ਜ਼ਿਆਦਾ ਹੈ।
ਅਮਰੀਕਾ ਵਿੱਚ ਕੋਵਿਡ -19 ਕਾਰਣ 200,000 ਜਾਨਾਂ ਜਾ ਚੁਕੀਆਂ ਹਨ।
