14.36C Vancouver 14.36C VancouverJun 11, 2020 3:30 PM -
ਔਂਟੈਰੀਓ ਦੇ ਪ੍ਰੀਮੀਅਰ ਡੱਗ ਫੋਰਡ ਦਾ ਕੋਵਿਡ-19 ਲਈ ਕੀਤੇ ਟੈਸਟ ਦਾ ਨਤੀਜਾ ਨੈਗੇਟਿਵ ਆਇਆ ਹੈ।
ਫੋਰਡ ਦੇ ਦਫਤਰ ਮੁਤਾਬਕ ਐਜੂਕੇਸ਼ਨ ਮਨਿਸਟਰ ਸਟੀਵਨ ਲੈਚੇ ਦੇ ਕੋਵਿਡ-19 ਤੋਂ ਪ੍ਰਭਾਵਿਤ ਵਿਅਕਤੀ ਨਾਲ ਸੰਪਰਕ ਵਿੱਚ ਆਉਣ ਤੋਂ ਬਾਅਦ ਫੋਰਡ ਵੱਲੋਂ ਟੈਸਟ ਕਰਵਾਇਆ ਗਿਆ ਸੀ।
ਫੋਰਡ ਅਤੇ ਹੈਲਥ ਮਨਿਸਟਰ ਕ੍ਰਿਸਟੀਨ ਐਲੀਅਟ ਵੱਲੋਂ ਇੱਕ ਦਿਨ ਪਹਿਲਾਂ ਸੂਬੇ ਵਿੱਚ ਚਾਈਲਡ ਕੇਅਰ ਨੂੰ ਦੁਬਾਰਾ ਖੋਲ੍ਹਣ ਦੀ ਯੋਜਨਾ ਵਾਸਤੇ ਸਾਂਝਾ ਪੱਤਰਕਾਰ ਸੰਮੇਲਨ ਆਯੋਜਿਤ ਕੀਤਾ ਗਿਆ ਸੀ।
ਲੈਚੇ ਦੇ ਟੈਸਟ ਦਾ ਨਤੀਜਾ ਵੀ ਨੈਗੇਟਿਵ ਆਇਆ ਹੈ ਅਤੇ ਪ੍ਰੀਮੀਅਰ ਦੇ ਦਫ਼ਤਰ ਮੁਤਾਬਕ ਅੱਜ ਫੋਲਡ ਅਤੇ ਐਲੀਅਟ ਦੇ ਟੈਸਟ ਦੇ ਨਤੀਜੇ ਵੀ ਨੈਗੇਟਿਵ ਆਏ ਹਨ।
ਔਂਟੈਰੀਓ ਵਿੱਚ ਅੱਜ ਕੋਵਿਡ-19 ਦੇ 203 ਨਵੇਂ ਮਾਮਲੇ ਸਾਹਮਣੇ ਆਏ ਹਨ ਅਤੇ ਸੂਬੇ ਵਿੱਚ ਕੁੱਲ ਮਾਮਲਿਆਂ ਦੀ ਗਿਣਤੀ ਹੁਣ 31,544 ਹੋ ਗਈ ਹੈ।
ਸੂਬੇ ਵਿੱਚ ਵਾਇਰਸ ਕਾਰਨ 12 ਹੋਰ ਵਿਅਕਤੀ ਦਮ ਤੋੜ ਗਏ ਹਨ ਅਤੇ ਹੁਣ ਤੱਕ ਕੋਵਿਡ-19 ਕਾਰਨ 2,487 ਜਾਨਾਂ ਜਾ ਚੁੱਕੀਆਂ ਹਨ।
ਸੂਬੇ ਵਿੱਚ 25,885 ਵਿਅਕਤੀ ਹੁਣ ਸਿਹਤਮੰਦ ਹਨ ਜੋ ਪਿਛਲੇ ਦਿਨ ਦੇ ਮੁਕਾਬਲੇ 505 ਵੱਧ ਹੈ।
