ਬਰਨਬੀ ਵਿਚ ਇੱਕ ਡੰਪ ਟਰੱਕ ਡਰਾਈਵਰ ਨੂੰ ਲੱਗਾ $1,215 ਦਾ ਜੁਰਮਾਨਾ

ਬਰਨਬੀ ਵਿਚ ਕਮਰਸ਼ੀਅਲ ਵ੍ਹੀਹਕਲ ਇਨਫੋਰਸਮੈਂਟ ਟੀਮ ਨੇ ਇੱਕ ਡੰਪ ਟਰੱਕ ਡਰਾਈਵਰ ਨੂੰ $1,215 ਦਾ ਜੁਰਮਾਨਾ ਕੀਤਾ ਹੈ। ਪੁਲਿਸ ਮੁਤਾਬਕ, ਟ੍ਰੇਲਰ ਰਾਹੀਂ ਬੌਬਕੈਟ ਮਸ਼ੀਨ ਲੈ ਕੇ ਜਾ ਰਹੇ ਇਸ ਟਰੱਕ ਵਿਚ 6 Violations ਪਾਏ ਗਏ, ਟਰੱਕ ਦਾ ਫਿਊਲ ਕੈਪ ਗਾਇਬ ਸੀ ਤੇ ਉਸ ਨੂੰ ਇੱਕ ਸੈਂਡਵਿਚ ਬੈਗ ਨਾਲ ਢੱਕ ਕੇ ਚਾਰਜਿੰਗ ਕੇਬਲ ਨਾਲ ਬੰਨ੍ਹਿਆ ਹੋਇਆ ਸੀ। ਇਸ ਦਾ ਫਿਊਲ ਟੈਂਕ ਵੀ ਸਟੈਪਸ ਨਾਲ ਟਿਕਿਆ ਹੋਇਆ ਸੀ।

ਇਸ ਤੋਂ ਇਲਾਵਾ ਸਟੀਅਰਿੰਗ ਮੈਕੇਨੇਜ਼ਮ ਖ਼ਰਾਬ ਸੀ, ਐਮਰਜੈਂਸੀ ਬ੍ਰੇਕ ਕੰਮ ਨਹੀਂ ਕਰ ਰਹੇ ਸਨ ਅਤੇ ਟਰੇਲਰ ਦੇ ਐਕਸਲ ਓਵਰਲੋਡਿੰਗ ਕਾਰਨ ਮੁੜੇ ਹੋਏ ਸਨ।

ਪੁਲਿਸ ਮੁਤਾਬਕ, ਇਹ ਕਾਰਵਾਈ 25 ਫਰਵਰੀ ਨੂੰ ਮਰੀਨ ਵੇਅ 'ਤੇ ਇੱਕ ਦਿਨਾਂ ਓਪਰੇਸ਼ਨ ਦੌਰਾਨ ਕੀਤੀ ਗਈ, ਇਸ ਕਾਰਵਾਈ ਵਿਚ 35 ਵਪਾਰਕ ਵਾਹਨ ਸੜਕ 'ਤੇ ਚੱਲਣ ਦੇ ਅਯੋਗ ਪਾਏ ਗਏ। Cst. ਕੇਵਿਨ ਕੋਨੋਲੀ ਮੁਤਾਬਕ, ਸਭ ਤੋਂ ਮਾੜੀ ਹਾਲ ਡੰਪ ਟਰੱਕ ਦੀ ਹੀ ਸੀ, ਪੁਲਿਸ ਨੇ ਟਰੱਕ ਅਤੇ ਟਰੇਲਰ ਦੀਆਂ ਨੰਬਰ ਪਲੇਟਾਂ ਜ਼ਬਤ ਕਰ ਲਈਆਂ ਅਤੇ ਉਹਨਾਂ ਨੂੰ tow ਕਰਕੇ ਇੰਸਪੈਕਸ਼ਨ ਸੈਂਟਰ ਭੇਜ ਦਿੱਤਾ।