12.5C Vancouver 12.5C VancouverApr 28, 2020 12:34 AM -
ਬੀ.ਸੀ. ਦੇ ਸਿਹਤ ਅਧਿਕਾਰੀਆਂ ਵੱਲੋਂ ਜਾਰੀ ਇੱਕ ਨਿਊਜ ਰਿਲੀਜ 'ਚ ਜਾਣਕਾਰੀ ਦਿੱਤੀ ਗਈ ਹੈ ਕਿ ਸੂਬੇ 'ਚ ਕੋਵਿਡ-19 ਦੇ ਮਾਮਲਿਆਂ ਦੀ ਗਿਣਤੀ 'ਚ ਗਿਰਾਵਟ ਆਈ ਹੈ ਅਤੇ ਵਾਇਰਸ ਸੰਬੰਧੀ ਟਰਾਂਸਮਿਸ਼ਨ ਦੀ ਰਫਤਾਰ ਵੀ ਘਟੀ ਹੈ।
ਉਨ੍ਹਾਂ ਕਿਹਾ ਕਿ ਓਹ ਆਊਟਬ੍ਰੇਕਸ ਨੂੰ ਲੈਕੇ ਵਧੇਰੇ ਜਾਂਚ ਕਰ ਰਹੇ ਹਨ, ਅਤੇ ਸਰਵੇਲੈਂਸ ਨੂੰ ਵੀ ਵਧਾਇਆ ਜਾ ਰਿਹਾ ਹੈ, ਅਤੇ ਸੂਬਾ ਉਸ ਜਗ੍ਹਾ ਪਹੁੰਚ ਰਿਹਾ ਹੈ ਜਿਥੇ ਸੂਬੇ 'ਚ ਜਾਰੀ ਪਬੰਦੀਆਂ 'ਚ ਕੁਝ ਢਿੱਲ ਦੇਣ ਬਾਰੇ ਵਿਚਾਰ ਕੀਤਾ ਜਾ ਸਕਦਾ ਹੈ।
ਡਾ. ਬੌਨੀ ਹੈਨਰੀ ਨੇ ਕਿਹਾ ਕਿ ਸਪਸ਼ਟ ਹੈ ਕਿ ਸੂਬੇ 'ਚ ਵਾਇਰਸ ਤੋਂ ਬਚਾਅ ਲਈ ਉਠਾਏ ਗਏ ਕਦਮਾਂ ਦਾ ਨਤੀਜੇ ਚੰਗੇ ਰਹੇ ਹਨ।
ਸੂਬੇ ਦੀ ਸਿਹਤ ਅਫਸਰ, ਡਾ. ਬੌਨੀ ਹੈਨਰੀ ਅਤੇ ਸਿਹਤ ਮੰਤਰੀ ਐਡਰੀਅਨ ਡਿਕਸ ਨੇ ਦੱਸਿਆ ਕਿ ਬੀ.ਸੀ. 'ਚ ਕੋਵਿਡ-19 ਦੇ ਪੀੜਤ ਲੋਕਾਂ ਦੀ ਗਿਣਤੀ ਹੁਣ 1,998 ਹੋ ਗਈ ਹੈ।
ਸੂਬੇ 'ਚ ਵਾਇਰਸ ਸੰਬੰਧੀ 50 ਨਵੇਂ ਮਾਮਲੇ ਉਜਾਗਰ ਹੋਏ ਹਨ।
ਹਾਲਾਂਕਿ 3 ਹੋਰ ਵਾਇਰਸ ਪੀੜਤ ਵਿਅਕਤੀਆਂ ਨੇ ਦਮ ਤੋੜ ਦਿੱਤਾ ਹੈ।
ਹੁਣ ਤੱਕ ਬ੍ਰਿਟਿਸ਼ ਕੋਲੰਬੀਆ ਦੇ ਵਿੱਚ ਵਾਇਰਸ ਕਾਰਨ 103 ਵਿਅਕਤੀਆਂ ਦੀਆਂ ਜਾਨਾਂ ਜਾ ਚੁੱਕੀਆਂ ਹਨ।
