ਰਿਚਮੰਡ ਵਿੱਚ ਐਲਡਰਬ੍ਰਿਜ ਵੇਅ ’ਤੇ ਕਾਰ ਖੰਭੇ ਨਾਲ ਟਕਰਾਈ,ਡਰਾਈਵਰ ਨੂੰ ਲੱਗੀਆਂ ਗੰਭੀਰ ਸੱਟਾਂ

ਰਿਚਮੰਡ ਆਰ.ਸੀ.ਐਮ.ਪੀ.ਦੋ ਗੰਭੀਰ ਸੜਕ ਹਾਦਸਿਆਂ ਦੀ ਜਾਂਚ ਕਰ ਰਹੀ ਹੈ ਜੋ ਅੱਜ ਕੁਝ ਘੰਟਿਆਂ ਦੇ ਅੰਤਰ ਨਾਲ ਵਾਪਰੀਆਂ ਹਨ। ਪੁਲਿਸ ਅਨੁਸਾਰ, ਪਹਿਲਾ ਹਾਦਸਾ ਸਵੇਰੇ ਲਗਭਗ 7:30 ਵਜੇ ਐਲਡਰਬ੍ਰਿਜ ਵੇਅ ਦੇ 7800 ਬਲਾਕ ਵਿਚ ਵਾਪਰਿਆ,ਜਿੱਥੇ ਇੱਕ ਹਲਕੇ ਨੀਲੇ ਰੰਗ ਦੀ ਹੌਂਡਾ ਫਿੱਟ - ਐਲਡਰਬ੍ਰਿਜ ਵੇਅ 'ਤੇ ਇੱਕ ਖੰਭੇ ਨਾਲ ਟਕਰਾ ਗਈ। ਡਰਾਈਵਰ ਨੂੰ ਗੰਭੀਰ ਪਰ ਸਥਿਰ ਹਾਲਤ ਵਿਚ ਹਸਪਤਾਲ ਲਿਜਾਇਆ ਗਿਆ।

ਉਥੇ ਹੀ,ਦੁਪਹਿਰ ਲਗਭਗ 12 ਵਜੇ ਨੰ 4 ਰੋਡ ਅਤੇ ਓਡਲਿਨ ਰੋਡ ‘ਤੇ ਦੋ ਵਾਹਨਾਂ ਵਿਚਾਲੇ ਟੱਕਰ ਹੋਈ ਅਤੇ ਇੱਕ ਡਰਾਈਵਰ ਨੂੰ ਗੰਭੀਰ ਸੱਟਾਂ ਨਾਲ ਹਸਪਤਾਲ ਪਹੁੰਚਾਇਆ ਗਿਆ।

ਰਿਚਮੰਡ ਆਰ.ਸੀ.ਐਮ.ਪੀ.ਦੀ ਕ੍ਰਿਮੀਨਲ ਕੋਲੀਜ਼ਨ ਇਨਵੈਸਟੀਗੇਸ਼ਨ ਟੀਮ ਦੋਵੇਂ ਘਟਨਾਵਾਂ ਦੀ ਜਾਂਚ ਕਰ ਰਹੀ ਹੈ,ਜਿਸ ਵਿਚ ਲੋਅਰ ਮੇਨਲੈਂਡ Integrated Collision Analysis and Reconstruction ਸਰਵਿਸ ਦੀ ਵੀ ਮਦਦ ਲਈ ਜਾ ਰਹੀ ਹੈ। ਆਰ.ਸੀ.ਐਮ.ਪੀ. ਨੇ ਕਿਹਾ ਕਿ ਦੋਵੇਂ ਜਾਂਚ ਸਰਗਰਮੀ ਨਾਲ ਜਾਰੀ ਹਨ ਅਤੇ ਇਸ ਵੇਲੇ ਹੋਰ ਜਾਣਕਾਰੀ ਜਾਰੀ ਨਹੀਂ ਕੀਤੀ ਜਾਵੇਗੀ।