ਪ੍ਰਿੰਸ ਜਾਰਜ ਵਿਚ ਸਥਾਨਕ ਮੋਟਲ ਤੋਂ ਨਸ਼ੀਲੇ ਪਦਾਰਥ ਅਤੇ ਨਕਦੀ ਅਸਲਾ ਬਰਾਮਦ

ਪ੍ਰਿੰਸ ਜਾਰਜ ਵਿਚ ਪੁਲਿਸ ਨੇ ਹਾਲ ਹੀ ਵਿਚ ਇੱਕ ਮੋਟਲ ਤੋਂ ਗੈਰ-ਕਾਨੂੰਨੀ ਡਰੱਗ ਅਤੇ ਕੈਸ਼ ਬਰਾਮਦ ਕਰਨ ਦੀ ਕਾਰਵਾਈ ਕੀਤੀ ਹੈ। ਆਰ.ਸੀ.ਐਮ.ਪੀ. ਨੇ ਕਿਹਾ ਕਿ ਫਰੰਟਲਾਈਨ ਪੁਲਿਸ ਅਧਿਕਾਰੀ - ਵਿਕਟੋਰੀਆ ਸਟ੍ਰੀਟ ਦੇ 900-ਬਲਾਕ ਵਿਚ ਕਿਸੇ ਵੱਖਰੀ ਜਾਂਚ ਲਈ ਇਲਾਕੇ ਵਿਚ ਸਨ ਜਦੋਂ ਮੋਟਲ ਦੇ ਇੱਕ ਕਮਰੇ ਵਿਚ ਰੇਡ ਕੀਤੀ ਗਈ।

ਕਾਰਪੋਰਲ ਜੈਨੀਫਰ ਕੂਪਰ ਨੇ ਦੱਸਿਆ ਕਿ ਜਾਂਚਕਰਤਾ ਨੇ ਕੁੱਲ ਮਿਲਾ ਕੇ 100 ਗ੍ਰਾਮ ਸ਼ੱਕੀ ਫੈਂਟਾਨਿਲ, ਮੇਥਾਮਫੇਟਾਮਾਈਨ ਅਤੇ ਕਰੈਕ ਕੋਕੀਨ ਅਤੇ $40,000 ਤੋਂ ਵੱਧ ਕੈਸ਼ ਜ਼ਬਤ ਕੀਤਾ, ਇਸ ਤੋਂ ਇਲਾਵਾ ਕਮਰੇ ਵਿਚੋਂ ਇੱਕ ਬੰਦੂਕ ਵੀ ਮਿਲੀ, ਜਿਸ ਨੂੰ ਕਬਜ਼ੇ ਵਿਚ ਲੈ ਲਿਆ ਗਿਆ।

ਇਹ ਘਟਨਾ ਸਤੰਬਰ ਦੇ ਅਖੀਰ ਦੀ ਦੱਸੀ ਗਈ ਹੈ। ਪ੍ਰਿੰਸ ਜਾਰਜ ਆਰ.ਸੀ.ਐਮ.ਪੀ. ਨੇ ਜਾਂਚ ਦੇ ਸਬੰਧ ਵਿਚ 35 ਸਾਲਾ ਜੇਸਨ ਮੈਥਿਊ ਰਿਆਨ ਫਾਰਕੁਹਰ 'ਤੇ ਹਥਿਆਰ ਸਮੇਤ ਕਈ ਚਾਰਜਿਜ਼ ਲਗਾਏ ਹਨ, ਜਿਸ ਵਿਚ ਜ਼ਮਾਨਤ ਸ਼ਰਤਾਂ ਦੀ ਉਲੰਘਣਾ ਦਾ ਦੋਸ਼ ਵੀ ਸ਼ਾਮਲ ਹੈ।