ਸਟ੍ਰੀਟ ਕਰੂ ਯੂਨਿਟ ਨੇ ਵੱਡੀ ਮਾਤਰਾ ਵਿਚ ਗੈਰ-ਕਾਨੂੰਨੀ ਡਰੱਗ ਅਤੇ ਹਥਿਆਰਾਂ ਦਾ ਕੀਤਾ ਪਰਦਾਫਾਸ਼

ਪ੍ਰਿੰਸ ਜਾਰਜ ਆਰਸੀਐਮਪੀ ਦੀ ਸਟ੍ਰੀਟ ਕਰੂ ਯੂਨਿਟ ਨੇ ਵੱਡੀ ਮਾਤਰਾ ਵਿਚ ਗੈਰ-ਕਾਨੂੰਨੀ ਡਰੱਗ ਅਤੇ ਹਥਿਆਰਾਂ ਦਾ ਪਰਦਾਫਾਸ਼ ਕੀਤਾ ਹੈ। ਪੁਲਿਸ ਨੇ ਕਿਹਾ ਕਿ ਉਸ 6 ਅਤੇ 7 ਜੂਨ ਨੂੰ ਸ਼ਹਿਰ ਦੀਆਂ ਕਈ ਥਾਵਾਂ 'ਤੇ ਛਾਪੇਮਾਰੀ ਕੀਤੀ, ਜਿਸ ਦੌਰਾਨ ਲਗਭਗ 20 ਕਿਲੋਗ੍ਰਾਮ ਸ਼ੱਕੀ ਕੋਕੀਨ, ਮੇਥਾਮਫੇਟਾਮਾਈਨ, MDMA ਅਤੇ ਕੇਟਾਮਾਈਨ ਦੀ ਜ਼ਬਤੀ ਹੋਈ।

ਇਸ ਤੋਂ ਇਲਾਵਾ ਇੱਕ ਦਰਜਨ ਤੋਂ ਵੱਧ ਪਾਬੰਦੀਸ਼ੁਦਾ ਸਿਗਰਟਾਂ ਤੇ ਕਾਰਤੂਸ ਦੇ ਨਾਲ ਹੈਂਡਗਨ ਅਤੇ ਕਈ ਉੱਚ ਤਾਕਤੀ ਹਥਿਆਰ ਜ਼ਬਤ ਕੀਤੇ ਗਏ। ਪ੍ਰਿੰਸ ਜਾਰਜ ਆਰਸੀਐਮਪੀ ਨੇ ਕਿਹਾ ਕਿ ਜਾਂਚਕਰਤਾ ਨੂੰ ਇੱਕ ਰਿਹਾਇਸ਼ 'ਤੇ ਇੱਕ ਹੈਂਡਬੈਗ ਮਿਲਿਆ ਜਿਸ ਵਿਚ ਕਈ ਹੈਂਡ ਗ੍ਰਨੇਡ ਸਨ।

ਪ੍ਰਿੰਸ ਜਾਰਜ ਆਰਸੀਐਮਪੀ ਨੇ ਜ਼ਬਤ ਕੀਤੇ ਗਏ ਸਮਾਨ ਦੀ ਅੰਦਾਜ਼ਨ ਬਾਜ਼ਾਰ ਕੀਮਤ $2.5 ਮਿਲੀਅਨ ਦੱਸੀ ਹੈ। ਕਈ ਸ਼ੱਕੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ, ਜਿਨ੍ਹਾਂ ਨੂੰ ਬਾਅਦ ਵਿਚ ਜਾਂਚ ਦੇ ਨਤੀਜੇ ਅਤੇ ਪਬਲਿਕ ਪ੍ਰੌਸੀਕਿਊਸ਼ਨ ਸਰਵਿਸ ਤੋਂ ਚਾਰਜ਼ਿਜ ਦੀ ਸਿਫ਼ਾਰਸ਼ ਕੀਤੇ ਜਾਣ ਤੱਕ ਰਿਹਾਅ ਕਰ ਦਿੱਤਾ ਗਿਆ ਸੀ।