ਉੱਤਰੀ ਬ੍ਰਿਟਿਸ਼ ਕੋਲੰਬੀਆ ਤੱਟ ਦੇ ਹੇਠਾਂ ਮਹਿਸੂਸ ਕੀਤੇ ਗਏ ਡੂੰਘੇ ਭੂਚਾਲ ਦੇ ਝਟਕੇ

ਬੀ.ਸੀ.ਦੇ ਉੱਤਰੀ ਤੱਟ 'ਤੇ ਕੱਲ ਦੁਪਿਹਰ 6.5 ਤੀਬਰਤਾ ਦਾ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ। ਇਰਥਕੁਆਕੇਸ ਕੈਨੇਡਾ ਅਨੁਸਾਰ, ਭੂਚਾਲ ਦੇ ਝਟਕੇ ਹੈਦਾ ਗਵਾਈ ਟਾਪੂ ਸਮੂਹ ਦੇ ਸੈਂਡਸਪਿਟ ਅਤੇ ਮੈਸੇਟ,ਪੋਰਟ ਹਾਰਡੀ ਅਤੇ ਗੋਲਡ ਰਿਵਰ ਸਮੇਤ ਉੱਤਰੀ ਵੈਨਕੂਵਰ ਆਈਲੈਂਡ ਦੇ ਕੁਝ ਹਿੱਸਿਆਂ ਅਤੇ ਬੀ.ਸੀ. ਮੇਨਲੈਂਡ 'ਤੇ ਟੈਰੇਸ ਅਤੇ ਕਿਟੀਮੈਟ ਤੱਕ ਮਹਿਸੂਸ ਕੀਤੇ ਗਏ।

ਮੁੱਖ ਭੂਚਾਲ ਦੀ ਤੀਬਰਤਾ 6.4 ਮਾਪੀ ਗਈ ਅਤੇ ਇਹ ਦੁਪਹਿਰ 3:22 ਵਜੇ ਸੈਂਡਸਪਿਟ,ਬੀ.ਸੀ. ਤੋਂ ਲਗਭਗ 200 ਕਿਲੋਮੀਟਰ ਦੱਖਣ ਵਿੱਚ ਆਇਆ।

ਅਮਰੀਕੀ ਭੂ-ਵਿਗਿਆਨਕ ਸਰਵੇਖਣ ਨੇ ਪਹਿਲੇ ਭੂਚਾਲ ਦੀ ਤੀਬਰਤਾ 6.5 ਮਾਪੀ ਸੀ, ਜਦਕਿ ਕੁਦਰਤੀ ਸਰੋਤ ਕੈਨੇਡਾ ਨੇ ਸ਼ੁਰੂਆਤੀ ਤੀਬਰਤਾ 6 ਅਤੇ ਦੂਜਾ ਝਟਕਾ 4.5 ਮਾਪਿਆ। ਕੈਨੇਡੀਅਨ ਏਜੰਸੀ ਨੇ ਭੂਚਾਲ ਦੀ ਡੂੰਘਾਈ ਲਗਭਗ 10 ਕਿਲੋਮੀਟਰ ਦੱਸੀ ਅਤੇ ਕਿਹਾ ਕਿ ਇਹ ਵੈਨਕੂਵਰ ਆਈਲੈਂਡ ਟਾਪੂ 'ਤੇ ਹੈਦਾ ਗਵਾਈ ਅਤੇ ਪੋਰਟ ਮੈਕਨੀਲ ਦੇ ਵਿਚਕਾਰ ਕੇਂਦਰਿਤ ਸੀ।

ਹਵਾਈ ਦੇ ਰਾਸ਼ਟਰੀ ਮੌਸਮ ਸੇਵਾ ਸੁਨਾਮੀ ਚੇਤਾਵਨੀ ਕੇਂਦਰ ਮੁਤਾਬਿਕ ਇਸ ਭੁਚਾਲ ਕਾਰਨ ਕੋਈ ਸੁਨਾਮੀ ਆਉਣ ਦਾ ਖਤਰਾ ਨਹੀਂ ਹੈ।