19.53C Vancouver 19.53C VancouverDec 22, 2025 1:19 PM - Connect Newsroom - Ramandeep Kaur with files from The Canadian Press
ਪ੍ਰੀਮੀਅਰ ਡੇਵਿਡ ਈਬੀ ਨੇ 2025 ਨੂੰ ਆਪਣੀ ਸਰਕਾਰ ਲਈ ਚੁਣੌਤੀਪੂਰਨ ਸਾਲ ਕਰਾਰ ਦਿੱਤਾ ਹੈ। ਉਥੇ ਹੀ, ਭਾਵੇਂ ਵਿਰੋਧੀ ਧਿਰ ਬੀ. ਸੀ. ਕੰਜ਼ਰਵੇਟਿਵ ਅੰਦਰੂਨੀ ਕਲੇਸ਼ ਵਿਚ ਉਲਝੀ ਹੈ ਪਰ ਈਬੀ ਨੇ ਇੱਕ ਇੰਟਰਵਿਊ ਦੌਰਾਨ ਅਹਿਮ ਸੰਕੇਤ ਦਿੰਦਿਆਂ ਕਿਹਾ ਕਿ ਉਹ 2026 ਵਿਚ ਚੋਣਾਂ ਕਰਵਾਉਣ ਦੀ ਦੌੜ ਵਿਚ ਨਹੀਂ ਹਨ।
ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਦਾ ਪੂਰਾ ਧਿਆਨ ਸੂਬੇ ਦੇ ਲੋਕਾਂ ਦੀਆਂ ਦਰਪੇਸ਼ ਮੁਸ਼ਕਲਾਂ ਨੂੰ ਹੱਲ ਕਰਨ 'ਤੇ ਹੈ। ਹਾਲਾਂਕਿ,ਉਨ੍ਹਾਂ ਕਿਹਾ ਕਿ ਜੇਕਰ ਵਿਰੋਧੀ ਧਿਰ ਵਿਧਾਨ ਸਭਾ ਵਿਚ ਅਹਿਮ ਕਾਨੂੰਨਾਂ ਨੂੰ ਰੋਕਣ ਦੀ ਕੋਸ਼ਿਸ਼ ਕਰਦੀ ਹੈ ਤਾਂ ਚੋਣਾਂ ਹੋ ਸਕਦੀਆਂ ਹਨ। ਈਬੀ ਨੇ ਕਿਹਾ ਕਿ ਅਸੀਂ ਫੰਡ ਇਕੱਠਾ ਕਰ ਰਹੇ ਹਾਂ, ਸਾਡੀ ਪਾਰਟੀ ਸਿਰ ਕੋਈ ਕਰਜ਼ਾ ਨਹੀਂ ਪਰ ਇਹ ਜ਼ਰੂਰ ਹੈ ਕਿ ਬ੍ਰਿਟਿਸ਼ ਕੋਲੰਬੀਆ ਦੇ ਲੋਕ ਇਸ ਸਮੇਂ ਚੋਣਾਂ ਨਹੀਂ ਚਾਹੁੰਦੇ। ਪ੍ਰੀਮੀਅਰ ਨੇ ਕਿਹਾ ਕਿ 2022 ਦੇ ਮੁਕਾਬਲੇ ਇਸ ਵਾਰ ਸਥਿਤੀ ਵੱਖਰੀ ਹੈ, ਜਿੱਥੇ ਪਿਛਲੇ ਇੱਕ ਸਾਲ ਦੌਰਾਨ ਅਮਰੀਕਾ ਨਾਲ ਵਪਾਰ ਵਰਗੇ ਵੱਡੇ ਮੁੱਦੇ ਚੁਣੌਤੀਪੂਰਨ ਰਹੇ ਹਨ।
ਈਬੀ ਨੇ ਮੰਨਿਆ ਕਿ ਕੁਝ ਮਾਮਲਿਆਂ ਵਿਚ ਪਾਰਟੀ ਦੇ ਅੰਦਰ ਹਰ ਕੋਈ ਸਰਕਾਰ ਨਾਲ ਸਹਿਮਤ ਨਹੀਂ ਹੈ ਪਰ ਉਨ੍ਹਾਂ ਕਿਹਾ ਕਿ ਇਸ ਦੇ ਬਾਵਜੂਦ ਅਸੀਂ ਇਕਜੁੱਟ ਹਾਂ, ਉਨ੍ਹਾਂ ਪਿਛਲੇ ਮਹੀਨੇ ਹੋਈ ਲੀਡਰਸ਼ਿਪ ਰਿਵਿਊ ਦਾ ਹਵਾਲਾ, ਜਿਸ ਵਿਚ 83 ਫੀਸਦੀ ਡੈਲੀਗੇਟ ਨੇ ਉਨ੍ਹਾਂ ਦੀ ਲੀਡਰਸ਼ਿਪ ਵਿਚ ਵਿਸ਼ਵਾਸ ਪ੍ਰਗਟਾਇਆ ਸੀ।
