21.25C Vancouver 21.25C VancouverSep 17, 2025 4:42 PM - Connect Newsroom - with files from The Canadian Press
ਪ੍ਰੀਮੀਅਰ ਡੇਵਿਡ ਈਬੀ ਤੇ ਉਨ੍ਹਾਂ ਦੇ ਮੰਤਰੀਆਂ ਦਾ ਇੱਕ ਵਫ਼ਦ ਬੁੱਧਵਾਰ ਤੋਂ ਔਟਵਾ ਦੇ ਦੋ ਦਿਨਾਂ ਦੌਰੇ 'ਤੇ ਜਾ ਰਹੇ ਹਨ। ਇਸ ਦੌਰਾਨ ਉਹ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਤੇ ਫੈਡਰਲ ਕੈਬਨਿਟ ਦੇ ਸੀਨੀਅਰ ਮਿਨਿਸਟਰਸ ਨਾਲ ਮੁਲਾਕਾਤ ਕਰਨਗੇ। ਇਸ ਦੌਰੇ ਦਾ ਉਦੇਸ਼ ਬੀ.ਸੀ. ਦੇ ਮੇਜਰ ਇਨਫਰਾਸਟਕਚਰ ਪ੍ਰਾਜੈਕਟ ਵਾਸਤੇ ਹੋਰ ਫੈਡਰਲ ਇਨਵੈਸਟਮੈਂਟ ਲਈ ਲਾਬਿੰਗ ਕਰਨਾ ਹੈ। ਸੂਬਾ ਕਈ ਵੱਡੇ ਪ੍ਰੋਜੈਕਟਸ ਨੂੰ ਅੱਗੇ ਵਧਾਉਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ ਅਤੇ ਉਨ੍ਹਾਂ ਲਈ ਫੈਡਰਲ ਫੰਡਿੰਗ ਦੀ ਲੋੜ ਹੈ।
ਪ੍ਰਧਾਨ ਮੰਤਰੀ ਵਲੋਂ ਆਪਣੇ ਮੇਜਰ ਪ੍ਰੋਜੈਕਟ ਤਹਿਤ ਫਾਸਟ-ਟਰੈਕਿੰਗ ਮਨਜ਼ੂਰੀ ਲਈ ਹਾਲ ਹੀ ਵਿਚ ਬੀ. ਸੀ. ਦੇ ਦੋ ਪ੍ਰੋਜੈਕਟਸ ਸ਼ਾਮਲ ਕੀਤੇ ਗਏ ਸਨ, ਜਿਸ ਵਿਚ ਐਲ.ਐਨ.ਜੀ. ਕੈਨੇਡਾ ਫੇਜ਼ 2 ਅਤੇ ਰੈੱਡ ਕ੍ਰਿਸ ਮਾਈਨ ਦਾ ਵਿਸਥਾਰ ਸ਼ਾਮਲ ਹੈ। ਈਬੀ ਨੇ ਕਿਹਾ ਕਿ ਉਹ ਪ੍ਰਧਾਨ ਮੰਤਰੀ ਨਾਲ ਇਨ੍ਹਾਂ ਪ੍ਰੋਜੈਕਟਸ ਅਤੇ ਅਗਲੇ ਦੌਰ ਵਿਚ ਸ਼ਾਮਲ ਕੀਤੇ ਜਾ ਸਕਣ ਵਾਲੇ ਹੋਰ ਪ੍ਰੋਜੈਕਟਸ ਬਾਰੇ ਗੱਲ ਕਰਨਗੇ।
ਪ੍ਰੀਮੀਅਰ ਈਬੀ ਦੇ ਨਾਲ ਵਿੱਤ ਮੰਤਰੀ ਬ੍ਰੈਂਡਾ ਬੈਲੀ, ਜੌਬਸ ਤੇ ਆਰਥਿਕ ਵਿਕਾਸ ਮਿਨਿਸਟਰ ਰਵੀ ਕਾਹਲੋਂ ਅਤੇ ਜੰਗਲਾਤ ਮਿਨਿਸਟਰ ਰਵੀ ਪਰਮਾਰ ਵੀ ਹੋਣਗੇ। ਗੌਰਤਲਬ ਹੈ ਕਿ ਫੈਡਰਲ ਇਨਵੈਸਟਮੈਂਟ ਜੁਟਾਉਣ ਲਈ ਇਹ ਦੌਰਾ ਉਦੋਂ ਹੈ ਜਦੋਂ ਬੀ.ਸੀ. ਦਾ ਅਨੁਮਾਨਿਤ ਘਾਟਾ ਲਗਭਗ $11.6 ਬਿਲੀਅਨ ਦੇ ਰਿਕਾਰਡ ਉੱਚੇ ਪੱਧਰ 'ਤੇ ਪਹੁੰਚ ਗਿਆ ਹੈ।
