13.67C Vancouver 13.67C VancouverSep 26, 2025 4:53 PM - The Canadian Press
ਬੀ.ਸੀ. ਦੇ ਕੋਸਟ ਇਲਾਕੇ ਵਿਚ ਭਾਰੀ ਮੀਂਹ ਪੈਣ ਦੀ ਚਿਤਾਵਨੀ ਦਿੱਤੀ ਗਈ ਹੈ। ਵਾਤਾਵਰਣ ਕੈਨੇਡਾ ਦਾ ਕਹਿਣਾ ਹੈ ਕਿ ਵੈਨਕੂਵਰ ਆਈਲੈਂਡ ਦੇ ਕੁਝ ਹਿੱਸਿਆਂ ਵਿਚ 100 ਮਿਲੀਮੀਟਰ ਤੱਕ ਮੀਂਹ ਪੈਣ ਦੀ ਸੰਭਾਵਨਾ ਹੈ। ਮੌਸਮ ਏਜੰਸੀ ਨੇ ਵੈਨਕੂਵਰ ਆਈਲੈਂਡ ਦੇ ਵੈਸਟ ਕੋਸਟ ਦੇ ਜ਼ਿਆਦਾਤਰ ਹਿੱਸਿਆਂ ਲਈ ਇਹ ਚਿਤਾਵਨੀ ਜਾਰੀ ਕੀਤੀ ਹੈ, ਜਿਸ ਵਿਚ ਸੂਕੇ ਅਤੇ ਟੋਫੀਨੋ ਸਮੇਤ ਹੋਰ ਕਮਿਊਨਿਟੀ ਸ਼ਾਮਲ ਹਨ।
ਵਾਤਾਵਰਣ ਕੈਨੇਡਾ ਨੇ ਕਿਹਾ ਕਿ ਅੱਜ ਸ਼ਾਮ ਭਾਰੀ ਮੀਂਹ ਸ਼ੁਰੂ ਹੋਣ ਦੀ ਉਮੀਦ ਹੈ ਅਤੇ ਸ਼ਨੀਵਾਰ ਸਵੇਰ ਤੱਕ ਜਾਰੀ ਰਹੇਗਾ। ਏਜੰਸੀ ਨੇ ਕਿਹਾ ਕਿ ਭਾਰੀ ਮੀਂਹ ਅਚਾਨਕ ਫਲੈਸ਼ ਫਲੱਡ ਦਾ ਕਾਰਨ ਬਣ ਸਕਦਾ ਹੈ ਅਤੇ ਨੀਵੇਂ ਇਲਾਕਿਆਂ ਵਿਚ ਵੀ ਸਥਾਨਕ ਪੱਧਰ 'ਤੇ ਹੜ੍ਹ ਦੀ ਸਥਿਤੀ ਬਣ ਸਕਦੀ ਹੈ।
ਮੌਸਮ ਵਿਭਾਗ ਦਾ ਕਹਿਣਾ ਹੈ ਕਿ ਬੀ. ਸੀ. ਦੇ ਉੱਤਰੀ ਤੱਟ ਵਿੱਚ ਹੈਡਾ ਗਵਾਈ ਕੋਲ ਇੱਕ ਪੈਸੀਫਿਕ ਤੂਫਾਨ ਕਾਰਨ ਭਾਰੀ ਮੀਂਹ ਪੈਣ ਦੇ ਹਾਲਾਤ ਬਣੇ ਹਨ। ਸੂਬਾਈ ਨਦੀ ਪੂਰਵ ਅਨੁਮਾਨ ਕੇਂਦਰ ਨੇ ਅਲਾਸਕਾ ਪੈਨਹੈਂਡਲ ਦੱਖਣ ਨੇੜੇ ਸਟੀਵਰਟ ਅਤੇ ਪ੍ਰਿੰਸ ਰੂਪਰਟ ਤੋਂ ਲੈ ਕੇ ਕੇਂਦਰੀ ਤੱਟ ਤੱਕ ਫੈਲੇ ਇੱਕ ਖੇਤਰ ਲਈ ਉੱਚ ਧਾਰਾ ਪ੍ਰਵਾਹ ਸਲਾਹ ਜਾਰੀ ਕੀਤੀ ਹੈ।
