18.09C Vancouver 18.09C VancouverApr 10, 2026 1:51 PM - Connect Newsroom - Jasmine Singh with files from The Canadian Press
ਇਨਵਾਇਰਮੈਂਟ ਕੈਨੇਡਾ ਨੇ ਐਲਾਨ ਕੀਤਾ ਹੈ ਕਿ ਉਹ ਮੌਸਮ ਦੀਆਂ ਭਵਿੱਖਬਾਣੀਆਂ ਨੂੰ ਵਧੇਰੇ ਸਹੀ ਅਤੇ ਤੇਜ਼ ਬਣਾਉਣ ਲਈ ਆਰਟੀਫੀਸ਼ੀਅਲ ਇੰਟੈਲੀਜੈਂਸੀ ਦੀ ਵਰਤੋਂ ਕਰਨਾ ਸ਼ੁਰੂ ਕਰਨ ਜਾ ਰਿਹਾ ਹੈ। ਵਿਭਾਗ ਇਸ ਸਬੰਧੀ ਇਸ ਸਪਰਿੰਗ ਵਿਚ ਨਵਾਂ ਹਾਈਬ੍ਰਿਡ ਮਾਡਲ ਲੌਂਚ ਕਰਨ ਦੀ ਤਿਆਰੀ ਕਰ ਰਿਹਾ ਹੈ,ਜੋ ਰਵਾਇਤੀ ਤਰੀਕਿਆਂ ਦੇ ਨਾਲ-ਨਾਲ ਏ.ਆਈ.ਨੂੰ ਨਾਲ ਜੋੜੇਗਾ।
ਇਨਵਾਇਰਮੈਂਟ ਕੈਨੇਡਾ ਮੁਤਾਬਕ,ਨਵੇਂ ਮਾਡਲ ਨਾਲ 6 ਦਿਨਾਂ ਦੀ ਭਵਿੱਖਬਾਣੀ ਉਨੀ ਹੀ ਸਹੀ ਹੋਵੇਗੀ ਜਿੰਨੀ ਹੁਣ 5 ਦਿਨਾਂ ਦੀ ਹੁੰਦੀ ਹੈ। ਇਸ ਕਦਮ ਨਾਲ ਸਰਦੀਆਂ ਦੇ ਤੂਫਾਨ,ਗਰਮੀ ਦੀਆਂ ਲਹਿਰਾਂ ਅਤੇ ਵਾਯੂਮੰਡਲੀ ਨਦੀਆਂ ਬਾਰੇ 8 ਤੋਂ 24 ਘੰਟੇ ਪਹਿਲਾਂ ਜਾਣਕਾਰੀ ਮਿਲ ਸਕੇਗੀ। ਏਜੰਸੀ ਮੁਤਾਬਕ,ਏ.ਆਈ.ਮਿੰਟਾਂ ਵਿਚ ਦਹਾਕਿਆਂ ਦੇ ਇਤਿਹਾਸਕ ਡੇਟਾ ਦਾ ਵਿਸ਼ਲੇਸ਼ਣ ਕਰ ਸਕਦਾ ਹੈ,ਜਿਸ ਨਾਲ ਤੂਫ਼ਾਨਾਂ ਦੇ ਰਸਤੇ ਨੂੰ ਟਰੈਕ ਕਰਨਾ ਸੌਖਾ ਹੋਵੇਗਾ।
ਇਨਵਾਇਰਮੈਂਟ ਕੈਨੇਡਾ ਅਨੁਸਾਰ,ਭਾਵੇਂ ਏ.ਆਈ.ਦੀ ਮਦਦ ਲਈ ਜਾਵੇਗੀ ਪਰ ਅੰਤਿਮ ਫੈਸਲਾ ਅਜੇ ਵੀ ਮੌਸਮ ਵਿਗਿਆਨੀਆਂ ਦੇ ਹੱਥ ਵਿਚ ਹੋਵੇਗਾ। ਇਹ ਤਕਨੀਕੀ ਤਬਦੀਲੀ ਜਨਤਕ ਸੁਰੱਖਿਆ ਅਤੇ ਐਮਰਜੈਂਸੀ ਦੀ ਤਿਆਰੀ ਲਈ ਅਹਿਮ ਮੰਨੀ ਜਾ ਰਹੀ ਹੈ।
