17.8C Vancouver 17.8C VancouverAug 24, 2020 3:32 PM -
ਐਰਿਨ ਓ'ਟੂਲ ਅੱਜ ਫੈਡਰਲ ਕੰਜ਼ਰਵੇਟਿਵ ਪਾਰਟੀ ਦੇ ਲੀਡਰ ਵਜੋਂ ਆਪਣੇ ਰਾਜਨੀਤਿਕ ਸਫ਼ਰ ਦੀ ਸ਼ੁਰੂਆਤ ਕਰਨ ਜਾ ਰਹੇ ਹਨ।
ਓ'ਟੂਲ ਦੀ ਜਿੱਤ ਦਾ ਐਲਾਨ ਕਿਸੇ ਤਕਨੀਕੀ ਵਜ੍ਹਾ ਕਾਰਨ ਬੈਲਟ ਗਿਣਨ ਵਿੱਚ ਕੁਝ ਘੰਟੇ ਦੀ ਹੋਈ ਦੇਰੀ ਤੋਂ ਬਾਅਦ ਕੀਤਾ ਗਿਆ।
ਓ'ਟੂਲ ਨੂੰ ਤੀਸਰੇ ਅਤੇ ਆਖਰੀ ਬੈਲਟ ਵਿੱਚ 57 ਫੀਸਦੀ ਵੋਟਾਂ ਹਾਸਲ ਹੋਈਆਂ।
47 ਫੀਸਦੀ ਵੋਟਾਂ ਨਾਲ ਦੂਜੇ ਸਥਾਨ ਤੇ ਪੀਟਰ ਮੈਕੇ ਰਹੇ।
ਲੰਬਾ ਸਮਾਂ ਕੈਬਨਿਟ ਮੰਤਰੀ ਰਹਿ ਚੁੱਕੇ ਮੈਕੇ ਦੇ ਸਮਰਥਕ ਓ'ਟੂਲ ਦੀ ਜਿੱਤ ਤੋਂ ਨਿਰਾਸ਼ ਹੋਣਗੇ ਕਿਉਂਕਿ ਉਨ੍ਹਾਂ ਨੂੰ ਆਸ ਸੀ ਕਿ ਮੈਕੇ ਦੇ ਜਿੱਤਣ ਨਾਲ ਪਾਰਟੀ ਉਨ੍ਹਾਂ ਸਮਾਜਿਕ ਕੰਜ਼ਰਵੇਟਿਵ ਮੁੱਦਿਆਂ ਨੂੰ ਪਿੱਛੇ ਛੱਡ ਸਕੇਗੀ ਜੋ ਬੀਤੀਆਂ ਚੋਣਾਂ ਵਿੱਚ ਅੜਿੱਕਾ ਬਣੇ ਸਨ।
ਓ'ਟੂਲ ਨੂੰ ਹੁਣ ਅਗਲੇ ਮਹੀਨੇ ਪਾਰਲੀਮੈਂਟ ਦੇ ਸ਼ੁਰੂ ਹੋਣ ਤੋਂ ਪਹਿਲਾਂ ਇੱਕ ਸੀਟ ਹਾਸਲ ਕਰਨੀ ਪਵੇਗੀ।
ਉਨ੍ਹਾਂ ਵੱਲੋਂ ਆਪਣਾ ਕੈਂਪੇਨ ਡਾਇਰੈਕਟਰ ਅਤੇ ਨਵੇਂ ਪਾਰਟੀ ਸਟਾਫ਼ ਮੈਂਬਰ ਚੁਣਨ ਦਾ ਕੰਮ ਵੀ ਕੀਤਾ ਜਾਵੇਗਾ।
ਲੈਸਲਿਨ ਲੁਈਸ ਨੇ ਇੱਕ ਨਵੇਂ ਉਮੀਦਵਾਰ ਹੋਣ ਦੇ ਬਾਵਜੂਦ ਵਧੀਆ ਪ੍ਰਦਰਸ਼ਨ ਕੀਤਾ ਅਤੇ ਉਨ੍ਹਾਂ ਲਈ ਇੱਕ ਥਾਂ ਬਣਾਉਣਾ ਵੀ ਅਹਿਮ ਫੈਸਲਾ ਹੋਵੇਗਾ।
