ਪੈਨਟਿਕਟਨ ਬੀ.ਸੀ. ਵਾਸਤੇ ਹਟਾਇਆ ਗਿਆ ਇਵੈਕਿਉਏਸ਼ਨ ਐਲਰਟ

ਸੋਮਵਾਰ ਨੂੰ ਕ੍ਰਿਸਟੀ ਮਾਊਨਟੇਨ ਜੰਗਲੀ ਅੱਗਾਂ ਦੇ ਆਸ ਪਾਸ ਸਥਿਤੀ ਥੋੜੀ ਬਿਹਤਰ ਲੱਗ ਰਹੀ ਹੈ।

ਜਿਸਦੇ ਚੱਲਦੇ ਪੈਨਟਿਕਟਨ ਬੀ.ਸੀ. ਦੇ ਤਕਰੀਬਨ 3600 ਘਰਾਂ ਵਾਸਤੇ ਜਾਰੀ ਕੀਤੇ ਗਏ ਇਵੈਕਿਉਏਸ਼ਨ ਐਲਰਟ ਨੂੰ ਹਟਾ ਦਿੱਤਾ ਗਿਆ ਹੈ, ਜਿਸ ਨਾਲ ਵਸਨੀਕਾਂ ਨੂੰ ਆਪਣੇ ਘਰ ਨਹੀਂ ਛੱਡਣੇ ਪੈਣਗੇ।

ਜ਼ਿਕਰਯੋਗ ਹੈ ਕਿ ਖੇਤਰ ਲਈ ਪਿਛਲੇ ਇੱਕ ਹਫਤੇ ਤੋਂ ਇਹ ਐਲਰਟ ਜਾਰੀ ਸੀ, ਪਰ ਐਤਵਾਰ ਨੂੰ ਮੌਸਮ ਠੰਡਾ ਹੋਣ ਨਾਲ, ਤੇਜ਼ ਹਵਾਵਾਂ ਕਾਰਨ ਹਾਲਾਤ ਖ਼ਰਾਬ ਹੋਣ ਦਾ ਖ਼ਦਸ਼ਾ ਟੱਲ ਗਿਆ।

ਪੈਨਟਿਕਟਨ ਵਿਖੇ ਐਮਰਜੈਂਸੀ ਓਪਰੇਸ਼ਨ ਸੈਂਟਰ ਦੇ ਡਾਇਰੈਕਟਰ ਡੌਨੀ ਵੈਨ ਡਾਇਕ ਦਾ ਕਹਿਣਾ ਹੈ ਕਿ ਬੀ.ਸੀ. ਵਾਇਲਡਫਾਇਰ ਅਤੇ ਖੇਤਰੀ ਪਾਰਟਨਰਜ਼ ਦੁਆਰਾ ਪਤਾ ਲਗਾਇਆ ਗਿਆ ਹੈ ਕਿ ਇਸ ਜੰਗਲੀ ਅੱਗ ਕਾਰਨ ਪੈਦਾ ਹੋਇਆ ਖ਼ਤਰਾ ਹੁਣ ਤੱਲ ਗਿਆ ਹੈ।

ਇਸ ਵੇਲੇ ਓਕਾਨਾਗਨ ਫ਼ੌਲਜ਼ ਦੇ ਉੱਤਰੀ ਖੇਤਰ ਵਿਚ 300 ਦੇ ਕਰੀਬ ਪ੍ਰੋਪਰਟੀਜ਼ ਦੇ ਲਈ ਇਵੈਕਿਉਏਸ਼ਨ ਐਲਰਟ ਜਾਰੀ ਹੈ। ਪਰ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਲੋਕਾਂ ਨੂੰ ਛੇਤੀ ਤੋਂ ਛੇਤੀ ਉਨ੍ਹਾਂ ਦੇ ਘਰ ਵਾਪਿਸ ਲੈਕੇ ਆਉਣਾ, ਉੁਨ੍ਹਾਂ ਦਾ ਟੀਚਾ ਹੈ।