15.68C Vancouver 15.68C VancouverJun 26, 2020 10:28 PM -
ਪੂਰਬੀ ਫਰੇਜ਼ਰ ਵੈਲੀ ਦੇ ਨਿਵਾਸੀ ਇਸ ਵੀਕਐਂਡ ਦੌਰਾਨ, ਫਰੇਜ਼ਰ ਦਰਿਆ ਦੇ ਪਾਣੀਆਂ 'ਤੇ ਨਜ਼ਰ ਬਣਾ ਕੇ ਰੱਖਣਗੇ।
ਬੀਤੇ ਕੁਝ ਸਮੇਂ ਦੀਆਂ ਬਾਰਿਸ਼ਾਂ ਅਤੇ ਬਰਫ਼ ਦੇ ਪਿਘਲਣ ਨਾਲ ਦਰਿਆ 'ਚ ਪਾਣੀ ਦਾ ਪੱਧਰ ਵੱਧ ਰਿਹਾ ਹੈ।
ਫਰੇਜ਼ਰ ਵੈਲੀ ਰੀਜਨਲ ਡਿਸਟ੍ਰਿਕਟ ਨੇ ਇਲਾਕੇ ਦੇ 29 ਘਰਾਂ ਅਤੇ ਵਪਾਰਾਂ ਲਈ ਪਹਿਲਾਂ ਹੀ ਇਵੈਕਯੂਏਸ਼ਨ ਐਲਰਟ (ਘਰ ਖਾਲੀ ਕਰਨ ਦੀ ਚਿਤਾਵਨੀ) ਜਾਰੀ ਕਰ ਦਿੱਤੇ ਹਨ।
ਇਸ ਦੇ ਵਿੱਚ ਇੱਕ ਆਰ.ਵੀ. ਪਾਰਕ, ਹਾਊਸਿੰਗ ਡਵੈਲਪਮੈਂਟ ਅਤੇ ਮਿਸ਼ਨ ਅਤੇ ਕੈਂਟ ਵਿਚਾਲੇ ਦੀਆਂ ਕੁਝ ਹੋਰ ਪ੍ਰਾਪਰਟੀਆਂ ਵੀ ਸ਼ਾਮਿਲ ਹਨ।
ਇੱਕ ਰਿਲੀਜ਼ ਜਾਰੀ ਕਰ ਦੱਸਿਆ ਗਿਆ ਸੀ ਕਿ ਪਾਣੀ ਦੇ ਪੱਧਰ 'ਚ 11 ਜੂਨ ਤੋਂ ਹੁਣ ਤੱਕ ਕਰੀਬ ਇੱਕ ਮੀਟਰ ਦਾ ਵਾਧਾ ਹੋ ਚੁੱਕਿਆ ਹੈ।
ਮਿਸ਼ ਦੇ ਇੱਕ ਗੌਜ ਕੋਲ ਪਾਣੀ ਦਾ ਪੱਧਰ 5.5 ਮੀਟਰ ਤੱਕ ਪਹੁੰਚ ਗਿਆ ਹੈ। ਜੇਕਰ ਇਹ ਪੱਧਰ 6 ਮੀਟਰ ਤੱਕ ਪਹੁੰਚਦਾ ਹੈ ਤਾਂ ਹੜ੍ਹਾਂ ਜਿਹੇ ਹਾਲਾਤ ਬਣ ਸਕਦੇ ਹਨ।
ਫੋਰਕਾਸਟ ਸੈਂਟਰ ਨੇ ਕਿਹਾ, ਫਰੇਜ਼ਰ ਅਤੇ ਥਾਂਪਸਨ ਦਰਿਆ ਦੇ ਪਾਣੀ ਦੇ ਪੱਧਰ 'ਚ ਹੋ ਰਿਹਾ ਵਾਧਾ
ਫਰੇਜ਼ਰ ਦਰਿਆ ਦੇ ਉੱਪਰਲੇ ਹਿੱਸਿਆਂ ਅਤੇ ਸਾਊਥ ਥਾਂਪਸਨ ਦਰਿਆ 'ਤੇ ਹੜ੍ਹਾਂ ਦੇ ਖਤਰੇ ਲਈ ਨਜ਼ਰ ਬਣਾ ਕੇ ਰੱਖਣ ਨੂੰ ਕਿਹਾ ਗਿਆ ਹੈ।
ਬੀ.ਸੀ. ਰਿਵਰ ਫੋਰਕਸਟ ਸੈਂਟਰ ਨੇ ਕਿਹਾ ਹੈ ਕਿ ਸੈਂਟਰਲ ਅਤੇ ਇੰਟੀਰੀਅਰ ਬੀ.ਸੀ. 'ਚ ਬੀਤੇ ਕੁਝ ਸਮੇਂ 'ਚ ਲਗਾਤਾਰ ਬਾਰਿਸ਼ ਹੁੰਦੀ ਰਹੀ ਹੈ।
ਸੈਂਟਰ ਦਾ ਕਹਿਣਾ ਹੈ ਕਿ ਇਸ ਵੀਕਐਂਡ ਦੌਰਾਨ 5 ਤੋਂ 30 ਮਿਲੀਮੀਟਰ ਤੱਕ ਹੋਰ ਮੀਂਹ ਪੈ ਸਕਦਾ ਹੈ ਅਤੇ ਇਸ ਦੇ ਨਾਲ ਪਾਣੀ ਦੇ ਪੱਧਰ 'ਚ ਹੋਰ ਵਾਧਾ ਹੋ ਸਕਦਾ ਹੈ।
