13.81C Vancouver 13.81C VancouverNov 15, 2021 8:23 PM - Connect News
ਬੀ.ਸੀ. 'ਚ ਦੱਖਣੀ ਤਟ 'ਤੇ ਸੋਮਵਾਰ ਨੂੰ ਜਾਰੀ ਭਾਰੀ ਬਾਰਿਸ਼ ਅਤੇ ਤੇਜ ਹਵਾਵਾਂ ਵਿਚਾਲੇ ਪੂਰੇ ਮੈਰਿਟ ਸ਼ਹਿਰ ਨੂੰ ਇਵੈਕੂਏਟ ਕਰਨ ਦੇ ਨਿਰਦੇਸ਼ ਜਾਰੀ ਕਰ ਦਿੱਤੇ ਗਏ ਹਨ।
ਬੀ.ਸੀ. ਐਮਰਜੈਂਸੀ ਐਕਟ ਅਧੀਨ ਸਾਰੇ ਸ਼ਹਿਰ ਲਈ ਇਵੈਕੂਏਸ਼ਨ ਆਰਡਰ ਜਾਰੀ ਕਰ ਦਿੱਤੇ ਗਏ ਹਨ।
ਕਮਿਊਨਿਟੀ 'ਚ ਹੜ੍ਹਾਂ ਜਿਹੇ ਹਾਲਾਤ ਬਣ ਜਾਣ ਕਾਰਨ ਸਿਹਤ ਅਤੇ ਸੁਰੱਖਿਆ ਲਈ ਖੜੇ ਹੋਏ ਖਤਰੇ ਕਾਰਨ ਇਹ ਫੈਸਲਾ ਲਿਆ ਗਿਆ ਹੈ।
ਆਰ.ਸੀ.ਐਮ.ਪੀ. ਦੇ ਮੈਂਬਰ ਅਤੇ ਹੋਰ ਐਪਲੀਕੇਬਲ ਅਜੈਂਸੀਆਂ ਵੱਲੋਂ ਇਸ ਐਕਸ਼ਨ ਨੂੰ ਹੋਂਦ 'ਚ ਲਿਆਂਦਾ ਜਾਵੇਗਾ।
ਇਵੈਕੂਏਸ਼ਨ ਆਰਡਰ 'ਚ ਲਿਖਿਆ ਗਿਆ ਹੈ ਕਿ ਸਾਰੇ ਮੈਰਿਟ ਸ਼ਹਿਰ ਨੂੰ ਇਵੈਕੂਏਟ ਕੀਤਾ ਜਾਵੇ।
ਲੋਕਾਂ ਨੂੰ ਤੁਰੰਤ ਸ਼ਹਿਰ ਖਾਲੀ ਕਰਨ ਦੇ ਨਿਰਦੇਸ਼ ਜਾਰੀ ਕੀਤੇ ਗਏ ਹਨ।
ਲੋਕਾਂ ਨੂੰ ਸਲਾਹ ਦਿੱਤੀ ਗਈ ਹੈ ਕਿ ਆਪਣੇ ਦੋਸਤਾਂ, ਰਿਸ਼ਤੇਦਾਰਾਂ ਅਤੇ ਹੋਰ ਕਮਿਊਨਿਟੀਸ 'ਚ ਸਿਰ ਢਕਣ ਲਈ ਪਹੁੰਚ ਕੀਤੀ ਜਾਵੇ।
ਇਹ ਵੀ ਦੱਸਿਆ ਗਿਆ ਹੈ ਕਿ ਇਸ ਇਲਾਕੇ ਤੋਂ ਨਿਕਲਦੇ ਲੋਕ ਜੇਕਰ ਲੋਅਰ ਮੇਨਲੈਂਡ ਪਹੁੰਚਣਾ ਚਾਹੁੰਦੇ ਹਨ ਤਾਂ ਅਜਿਹਾ ਕਰਨ ਲਈ ਸਿਰਫ ਹਾਈਵੇਅ 97C ਅਤੇ ਲੀਲੋਏਟ ਰਾਹੀਂ ਹਾਈਵੇਅ 99 ਦੀ ਵਰਤੋਂ ਕੀਤੀ ਜਾਵੇ ਕਿਉਂਕਿ ਬਾਕੀ ਦੇ ਰਸਤੇ ਬੰਦ ਹਨ।
ਕੈਮਲੂਪਸ ਪਹੁੰਚ ਕਰਨ ਲਈ ਹਾਈਵੇਅ 5 ਅਤੇ ਹਾਈਵੇਅ 5A ਖੁੱਲ੍ਹੇ ਹਨ।
ਕੈਲੋਨਾ ਪਹੁੰਚ ਕਰਨ ਲਈ ਹਾਈਵੇਅ 97C ਵਰਤਿਆ ਜਾ ਸਕਦਾ ਹੈ।
