19.19C Vancouver 19.19C VancouverJul 17, 2024 4:28 PM - The Canadian Press
ਕਮਲੂਪਸ ਨੇੜੇ ਜੰਗਲੀ ਅੱਗ ਦੀ ਗਤੀਵਿਧੀ ਵਧਣ ਕਾਰਨ ਕੱਲ੍ਹ ਨਿਕਾਸੀ ਆਰਡਰ ਜਾਰੀ ਕੀਤੇ ਗਏ ਹਨ। ਕੁੱਕਜ਼ ਫੈਰੀ ਇੰਡੀਅਨ ਬੈਂਡ ਵਲੋਂ ਆਪਣੇ ਨਿਕੋਲਟਨ ਰਿਜ਼ਰਵ ਨੂੰ ਖਾਲੀ ਕਰਨ ਦੇ ਆਦੇਸ਼ ਜਾਰੀ ਕੀਤੇ ਹਨ ਕਿਉਂਕਿ ਸਪੈਂਸ ਬਿ੍ਰਜ ਦੇ ਉੱਤਰ ਵਿੱਚ ਦੋ ਜੰਗਲੀ ਅੱਗਾਂ ਬਲ ਰਹੀਆਂ ਹਨ।
ਬੈਂਡ ਵਲੋਂ ਜ਼ਿੰਦਗੀ ਅਤੇ ਸੁਰੱਖਿਆ ਦੇ ਹਿੱਤ ’ਚ ਕੱਲ੍ਹ ਇਹ ਆਦੇਸ਼ ਜਾਰੀ ਕੀਤਾ ਗਿਆ, ਜਦਕਿ ਇਸ ਨੇ ਆਪਣੇ ਤਿੰਨ ਹੋਰ ਰਿਜ਼ਰਵ ਲਈ ਨਿਕਾਸੀ ਚਿਤਾਵਨੀਆਂ ਵੀ ਜਾਰੀ ਕੀਤੀਆਂ ਹਨ। ਬੈਂਡ ਦਾ ਕਹਿਣਾ ਹੈ ਕਿ ਟੀਟ ਕ੍ਰੀਕ ਅਤੇ ਸ਼ੈਟਲੈਂਡ ਕ੍ਰੀਕ ਜੰਗਲ ਦੀ ਅੱਗ ਕ੍ਰਮਵਾਰ 249 ਹੈਕਟੇਅਰ ਅਤੇ 285 ਹੈਕਟੇਅਰ ਵਿਚ ਫੈਲੀ ਹੈ ਜੋ ਨਿਕੋਲਟਨ ਰਿਜ਼ਰਵ ਲਈ ਸੰਭਾਵਿਤ ਖਤਰਾ ਪੈਦਾ ਕਰ ਰਹੀ ਹੈ।
ਬੀ.ਸੀ. ਵਾਈਲਡ ਫਾਇਰ ਸਰਵਿਸ ਵਲੋਂ ਦੋਹਾਂ ਅੱਗਾਂ ਨੂੰ ਆਉਟ ਆਫ਼ ਕੰਟਰੋਲ ਮੰਨਿਆ ਗਿਆ ਹੈ। ਬੀਸੀਡਬਲਯੂਐਸ ਦੇ ਸੂਚਨਾ ਅਧਿਕਾਰੀ ਟੇਲਰ ਕੋਲਮੈਨ ਦਾ ਕਹਿਣਾ ਹੈ ਕਿ ਟੀਟ ਕ੍ਰੀਕ ਜੰਗਲੀ ਅੱਗ ਕਾਰਨ ਇਲਾਕੇ ਵਿਚ ਜਾਣਾ ਮੁਸ਼ਕਿਲ ਹੋ ਗਿਆ ਹੈ ਪਰ ਇਸ ਨਾਲ ਕਮਿਊਨਿਟੀ ਜਾਂ ਇਮਾਰਤਾਂ ਨੂੰ ਕੋਈ ਖਤਰਾ ਨਹੀਂ ਹੈ। ਸ਼ੈਟਲੈਂਡ ਕ੍ਰੀਕ ਜੰਗਲੀ ਅੱਗ ਬਾਰੇ ਕੋਲਮੈਨ ਦਾ ਕਹਿਣਾ ਹੈ ਕਿ ਇਥੇ ਹੈਲੀਕਾਪਟਰਾਂ ਦੀ ਮਦਦ ਨਾਲ ਅੱਗ ’ਤੇ ਕਾਬੂ ਪਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।
