9.58C Vancouver 9.58C VancouverJun 30, 2020 9:32 PM -
ਐਟਲਾਂਟਾ ਪੁਲਿਸ ਦਾ ਇੱਕ ਸਾਬਕਾ ਅਫ਼ਸਰ, ਜਿਸ ਨੂੰ ਕਿ ਰੇਸ਼ਰਡ ਬਰੂਕਸ ਦੀ ਮੌਤ ਦੇ ਮਾਮਲੇ 'ਚ ਦੋਸ਼ਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ, ਉਸ ਨੂੰ ਜ਼ਮਾਨਤ ਲਈ ਬੌਂਡ ਦੀ ਇਜਾਜ਼ਤ ਮਿਲ ਗਈ ਹੈ।
ਅਫ਼ਸਰ ਦਾ ਨਾਮ ਗੈਰੇਟ ਰੌਲਫ਼ ਹੈ।
ਜੱਜ ਨੇ ਸਾਬਕਾ ਅਫ਼ਸਰ ਨੂੰ 500,000 ਡਾਲਰ ਦੇ ਬੌਂਡ 'ਤੇ ਜ਼ਮਾਨਤ ਰੱਖੀ ਹੈ।
ਇਸ ਅਫ਼ਸਰ ਨੂੰ ਰੇਸ਼ਰਡ ਬਰੂਕਸ ਨਾਲ ਵਾਪਰੀ ਘਟਨਾ ਤੋਂ ਬਾਅਦ ਸੇਵਾਵਾਂ ਤੋਂ ਹਟਾ ਦਿੱਤਾ ਗਿਆ ਸੀ।
27 ਸਾਲਾ ਰੇਸ਼ਰਡ ਬਰੂਕਸ ਦੀ ਮੌਤ ਦੇ ਮਾਮਲੇ 'ਚ ਇਸ ਅਫ਼ਸਰ 'ਤੇ ਫੈਲਨੀ ਕਤਲ ਦੇ ਸਮੇਤ ਕੁੱਲ 11 ਇਲਜ਼ਾਮ ਲੱਗੇ ਹਨ।
12 ਜੂਨ ਨੂੰ ਰੇਸ਼ਰਡ ਬਰੂਕਸ ਨੂੰ ਇੱਕ ਰੈਸਟੂਰੈਂਟ ਦੇ ਬਾਹਰ, ਭੱਜਣ ਦੀ ਕੋਸ਼ਿਸ਼ ਦੇ ਦੌਰਾਨ ਗੋਲੀਆਂ ਮਾਰ ਦਿੱਤੀਆਂ ਗਈਆਂ ਸਨ। ਬੌਂਡ ਹੀਅਰਿੰਗ ਦੇ ਵਿੱਚ ਬਰੂਕਸ ਦੀ ਵਿਧਵਾ ਪਤਨੀ ਟੌਮਿਕਾ ਮਿਲਰ ਵੀ ਸ਼ਾਮਿਲ ਹੋਈ ਸੀ, ਅਤੇ ਉਨ੍ਹਾਂ ਨਮ ਅੱਖਾਂ ਨਾਲ ਇਸ ਬੌਂਡ ਦੀ ਇਜਾਜ਼ਤ ਨਾ ਦੇਣ ਨੂੰ ਕਿਹਾ ਸੀ, ਪਰ ਜੱਜ ਨੇ ਇਸ ਦੇ ਉਲਟ ਫੈਸਲਾ ਲਿਆ।
ਯਾਦ ਰਹੇ ਫੈਲਨੀ ਕਤਲ ਦੇ ਦੋਸ਼ਾਂ 'ਚ ਕਿਸੇ ਵਿਅਕਤੀ ਨੂੰ ਉਮਰ ਕੈਦ ਤੱਕ ਦੀ ਸਜ਼ਾ ਹੋ ਸਕਦੀ ਹੈ।
