9.52C Vancouver 9.52C VancouverJul 24, 2020 9:24 PM -
ਵੈਨਕੂਵਰ ਸਿਟੀ ਕਾਉਂਸਿਲ ਨੇ ਸ਼ਹਿਰ ਦੀ ਸੀਮਾ 'ਚ 'ਬੀਅਰ ਬੈਂਗਰਜ਼' ਦੀ ਵਿਕਰੀ ਅਤੇ ਇਸਤੇਮਾਲ 'ਤੇ ਰੋਕ ਲਗਾ ਦਿੱਤੀ ਹੈ।
ਕਾਉਂਸਿਲ ਨੇ ਇਸ ਮਾਮਲੇ 'ਚ ਬੈਨ ਦੇ ਹੱਕ 'ਚ ਵੋਟ ਕਰਦਿਆਂ, ਇਸ ਨੂੰ ਤੁਰੰਤ ਪ੍ਰਭਾਵ ਨਾਲ ਜਾਰੀ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ।
ਇਸ ਨਿਯਮ ਦੀ ਅਣਦੇਖੀ ਕਰਨ ਵਾਲਿਆਂ ਨੂੰ $1,000 ਤੱਕ ਦੇ ਜੁਰਮਾਨੇ ਹੋ ਸਕਦੇ ਹਨ।
ਕਿਸੇ ਗੁੱਸੇ 'ਚ ਵਿਖਾਈ ਦੇਣ ਵਾਲੇ ਜਾਂ ਹਮਲਾ ਕਰਨ ਲਈ ਵੱਧਦੇ ਲੱਗ ਰਹੇ ਰਿੱਛ ਨੂੰ ਡਰਾਉਣ ਲਈ, ਇਨ੍ਹਾਂ ਬੀਅਰ ਬੈਂਗਰਜ਼ ਦੀ ਵਰਤੋਂ ਕੀਤੀ ਜਾਂਦੀ ਹੈ।
ਪਰ ਲਗਾਤਾਰ ਸ਼ਿਕਾਇਤਾਂ ਆ ਰਹੀਆਂ ਸਨ ਕਿ ਇਨ੍ਹਾਂ ਦੀ ਵਰਤੋਂ ਰਿੱਛਾਂ 'ਤੇ ਨਹੀਂ, ਬਲਕਿ ਹੋਰ ਮਸਲਿਆਂ 'ਚ ਕੀਤੀ ਜਾ ਰਹੀ ਸੀ।
ਕਥਿਤ ਤੌਰ 'ਤੇ ਇਸ ਦੇ ਧਮਾਕੇ ਆਮ ਸੁਣਨ ਨੂੰ ਮਿਲਦੇ ਸਨ।
ਕਾਉਂਸਿਲ ਦਾ ਕਹਿਣਾ ਹੈ ਕਿ ਵੈਨਕੂਵਰ ਨਿਵਾਸੀ ਜੇਕਰ ਇਨ੍ਹਾਂ ਦੀ ਵਰਤੋਂ ਸ਼ਹਿਰ ਦੇ ਬਾਹਰ ਕਰਨਾ ਚਾਹੁੰਦੇ ਹਨ, ਤਾਂ ਇਨ੍ਹਾਂ ਨੂੰ ਸ਼ਹਿਰ ਦੇ ਬਾਹਰੋਂ ਹੀ ਖਰੀਦਿਆ ਜਾ ਸਕਦਾ ਹੈ, ਜਾਂ ਫਿਰ ਇਸ ਦੀ ਔਨਲਾਈਨ ਖਰੀਦ ਕੀਤੀ ਜਾ ਸਕਦੀ ਹੈ।
ਹਾਲਾਂਕਿ ਜਿਹੜੇ ਲੋਕਾਂ ਨੂੰ ਇਸ ਦੀ ਲੋੜ ਉਨ੍ਹਾਂ ਦੇ ਕੰਮ ਲਈ ਹੈ, ਉਨ੍ਹਾਂ ਨੂੰ ਖਰੀਦ ਦੀ ਇਜਾਜ਼ਤ ਹੋਵੇਗੀ।
