ਐਡਮਿੰਟਨ ਦੇ ਹਸਪਤਾਲ ਵਿਚ ਬਿਨਾਂ ਇਜਾਜ਼ਤ ਕੱਟੇ ਗਏ ਬਜ਼ੁਰਗ ਦੇ ਵਾਲ

ਐਡਮਿੰਟਨ ਦੇ ਹਸਪਤਾਲ ਵਿਚ ਇਲਾਜ ਕਰਵਾ ਰਹੇ ਵਿਅਕਤੀ ਨੂੰ ਬਿਨਾਂ ਪੁੱਛੇ ਉਸ ਦੇ ਵਾਲ ਕੱਟ ਦਿੱਤੇ ਗਏ, ਜਿਸ ਦੀ ਮੌਤ ਹੋ ਗਈ। 84 ਸਾਲਾ ਡੇਕਸਟਰ ਐਡਮਜ਼ ਸਿਟੀ ਦੇ ਰਾਇਲ ਅਲੈਗਜ਼ੈਂਡਰਾ ਹਸਪਤਾਲ ਵਿਚ ਦਿਮਾਗੀ ਕਮਜ਼ੋਰੀ ਕਾਰਨ ਲੰਬੇ ਸਮੇਂ ਤੋਂ ਹਸਪਤਾਲ ’ਚ ਸੀ। 6 ਮਈ ਨੂੰ ਉਸ ਦੀ ਪਤਨੀ ਈਵ ਜਦ ਹਸਪਤਾਲ ਉਸ ਨੂੰ ਮਿਲਣ ਆਈ ਤਾਂ ਉਸ ਨੇ ਦੇਖਿਆ ਕਿ ਉਸ ਦੇ ਵਾਲ ਕੱਟ ਕੇ ਇਸ ਨੂੰ ਕੂੜੇ ਦੇ ਡੱਬੇ ਵਿਚ ਸੁੱਟਿਆ ਗਿਆ ਸੀ।

ਵਾਲ ਕੱਟਣ ਦੇ ਕਰੀਬ 5 ਹਫਤਿਆਂ ਬਾਅਦ ਉਸ ਦੀ ਮੌਤ ਹੋ ਗਈ ਕਿਉਂਕਿ ਉਸ ਅੰਦਰ ਜਿਊਣ ਦੀ ਇੱਛਾ ਖਤਮ ਹੋ ਗਈ ਸੀ। ਉਨ੍ਹਾਂ ਲਈ ਵਾਲਾਂ ਦਾ ਬਹੁਤ ਮਹੱਤਵ ਹੁੰਦਾ ਹੈ ਅਤੇ ਉਹ ਇਨ੍ਹਾਂ ਨੂੰ ਕੱਟ ਨਹੀਂ ਸਕਦੇ।

ਪਰਿਵਾਰ ਮੁਤਾਬਕ ਉਸ ਦਾ ਬਾਜ਼ ਦੇ ਖੰਭ ਅਤੇ ਕੁਝ ਦਵਾਈਆਂ ਮੁੜ ਕੇ ਨਹੀਂ ਲੱਭੀਆਂ। ਉਨ੍ਹਾਂ ਦੇ ਪਰਿਵਾਰ ਨੇ ਕਿਹਾ ਹਸਪਤਾਲ ਨੇ ਹੁਣ ਤੱਕ ਇਸ ਗਲਤੀ ਲਈ ਮੁਆਫੀ ਨਹੀਂ ਮੰਗੀ। ਇਸ ਲਈ ਹਸਪਤਾਲ ਨੂੰ ਘੱਟੋ-ਘੱਟ ਉਨ੍ਹਾਂ ਦੀ ਆਗਿਆ ਲੈਣੀ ਚਾਹੀਦੀ ਸੀ। ਪਰਿਵਾਰ ਵਲੋਂ ਕੀਤੀ ਗਈ ਪ੍ਰੈੱਸ ਕਾਨਫਰੰਸ ਵਿਚ ਐਲਬਰਟਾ ਐਨਡੀਪੀ ਸ਼ੈਡੋ ਮੰਤਰੀ ਬਰੂਕਸ ਆਰਕੈਂਡ-ਪਾਲ ਅਤੇ ਸਾਰਾਹ ਹਾਫਮੈਨ ਵੀ ਸ਼ਾਮਿਲ ਹੋਏ।