14.55C Vancouver 14.55C VancouverMar 1, 2022 8:25 PM - Connect News
ਐਬਟਸਫੋਰਡ 'ਚ ਇੱਕ ਜਾਨਲੇਵਾ ਕਰੈਸ਼ ਵਾਪਰਿਆ ਹੈ।
ਘਟਨਾ ਤੋਂ ਬਾਅਦ ਕਈ ਘੰਟੇ ਤਕ ਆਵਾਜਾਈ ਪ੍ਰਭਾਵਿਤ ਹੋਣ ਦੀ ਵੀ ਜਾਣਕਾਰੀ ਦਿੱਤੀ ਗਈ ਹੈ।
ਪੁਲਿਸ ਦਾ ਕਹਿਣਾ ਸੀ ਕਿ ਉਨ੍ਹਾਂ ਨੂੰ ਹਾਈਵੇਅ 1 ਦੀ ਵੈਸਟਬਾਊਂਡ ਲੇਨ 'ਚ ਸੁਮਾਸ ਵੇਅ ਐਗਜਿਟ ਕੋਲ ਰਾਤ ਕਰੀਬ 8.45 ਵਜੇ ਸੱਦਿਆ ਗਿਆ ਸੀ।
ਮੌਕੇ 'ਤੇ ਪਹੁੰਚੇ ਅਫਸਰਾਂ ਨੇ ਵੇਖਿਆ ਕਿ ਇੱਕ ਪੈਦਲ ਯਾਤਰੀ ਨੂੰ ਗੰਭੀਰ ਸੱਟਾਂ ਲੱਗੀਆਂ ਸਨ।
ਉਸ ਨਾਲ ਇੱਕ ਕਮਰਸ਼ਲ ਵਾਹਨ ਟਕਰਾ ਗਿਆ ਸੀ।
ਪੀੜਤ ਨੂੰ ਹਸਪਤਾਲ ਪਹੁੰਚਾਇਆ ਗਿਆ ਪਰ ਉਸ ਨੇ ਦਮ ਤੋੜ ਦਿੱਤਾ।
ਪੁਲਿਸ ਨੇ ਦੱਸਿਆ ਕਿ ਵਾਹਨ ਚਾਲਕ ਪੁਲਿਸ ਨਾਲ ਸਹਿਯੋਗ ਕਰ ਰਿਹਾ ਸੀ।
ਪੁਲਿਸ ਅਨੁਸਾਰ ਘਟਨਾ ਪਿੱਛੇ ਇੰਪੇਅਰਡ ਡਰਾਈਵਿੰਗ ਨੂੰ ਕਾਰਨ ਨਹੀਂ ਮੰਨਿਆ ਜਾ ਰਿਹਾ।
ਘਟਨਾ ਤੋਂ ਬਾਅਦ ਸੁਮਾਸ ਐਗਜਿਟ ਕੋਲ ਹਾਈਵੇਅ 1 ਨੂੰ ਕਈ ਘੰਟੇ ਤਕ ਬੰਦ ਰੱਖਿਆ ਗਿਆ।
ਸਵੇਰੇ ਕਰੀਬ 4 ਵਜੇ ਹਾਈਵੇਅ 'ਤੇ ਆਵਾਜਾਈ ਫਿਰ ਤੋਂ ਸ਼ੁਰੂ ਹੋ ਗਈ ਸੀ।
