7.68C Vancouver 7.68C VancouverDec 22, 2025 6:27 PM - Connect Newsroom - Jasmine Singh
ਸਰੀ ਇਲਾਕੇ ਵਿਚ ਹਾਈਵੇਅ 1 'ਤੇ ਵਾਪਰੇ ਗੰਭੀਰ ਸੜਕ ਹਾਦਸੇ ਵਿਚ ਘੱਟੋ-ਘੱਟ ਇੱਕ ਵਿਅਕਤੀ ਦੀ ਮੌਤ ਹੋਣ ਦੀ ਪੁਸ਼ਟੀ ਹੋਈ ਹੈ। ਸਵੇਰੇ ਲਗਭਗ 7:15 ਵਜੇ 176 ਸਟ੍ਰੀਟ ਏਗਜ਼ਿਟ ਕੋਲ ਹਾਈਵੇ 1 ਦੀ ਵੈਸਟ ਬਾਊਂਡ ਲੇਨ ਵਿਚ ਤਿੰਨ ਗੱਡੀਆਂ ਦੀ ਟੱਕਰ ਹੋਈ ਸੀ।
ਬੀ.ਸੀ. ਹਾਈਵੇ ਪੈਟਰੋਲ ਦੇ ਕਾਰਪੋਰਲ ਮਾਈਕਲ ਮੈਕਲਾਫਲਿਨ ਨੇ ਕਿਹਾ ਕਿ ਸ਼ੁਰੂਆਤੀ ਜਾਂਚ ਤੋਂ ਪਤਾ ਲੱਗਦਾ ਹੈ ਕਿ ਇਨ੍ਹਾਂ ਵਿਚੋਂ ਇੱਕ ਕਾਰ ਈਸਟ ਬਾਊਂਡ ਲੇਨ ਤੋਂ ਵੈਸਟ ਬਾਊਂਡ ਲੇਨ ਵਿਚ ਆ ਗਈ ਸੀ ਅਤੇ ਸਾਹਮਣੇ ਤੋਂ ਆ ਰਹੀ ਦੂਜੀ ਗੱਡੀ ਨਾਲ ਇਸ ਦੀ ਸਿੱਧੀ ਟੱਕਰ ਹੋਈ। ਮੈਕਲਾਫਲਿਨ ਨੇ ਕਿਹਾ ਕਿ ਇਹ ਟੱਕਰ ਸਪੱਸ਼ਟ ਤੌਰ 'ਤੇ ਬਹੁਤ ਗੰਭੀਰ ਸੀ, ਜਿਸ ਕਾਰਨ ਹਾਈਵੇ ਨੂੰ ਪੂਰੀ ਤਰ੍ਹਾਂ ਬੰਦ ਕਰਨਾ ਪਿਆ।
ਬੀ. ਸੀ. ਹਾਈਵੇ ਪੈਟਰੋਲ ਨੇ ਲੋਕਾਂ ਨੂੰ ਸੋਸ਼ਲ ਮੀਡੀਆ 'ਤੇ ਤਸਵੀਰਾਂ ਪੋਸਟ ਨਾ ਕਰਨ ਦੀ ਅਪੀਲ ਕੀਤੀ ਹੈ, ਤਾਂ ਜੋ ਪਰਿਵਾਰਾਂ ਨੂੰ ਇਸ ਨਾਲ ਹੋਰ ਠੇਸ ਨਾ ਪਹੁੰਚੇ। ਮੈਕਲਾਫਲਿਨ ਨੇ ਕਿਹਾ ਕਿ ਜਾਂਚ ਅਧਿਕਾਰੀ ਹਾਦਸੇ ਦੇ ਅਸਲ ਕਾਰਨਾਂ ਦਾ ਪਤਾ ਲਗਾਉਣ ਲਈ ਗਵਾਹਾਂ ਅਤੇ ਵੀਡੀਓ ਫੁਟੇਜ ਦੀ ਭਾਲ ਕਰ ਰਹੇ ਹਨ। ਕੋਈ ਵੀ ਜਾਣਕਾਰੀ ਦੇਣ ਲਈ ਬੀ.ਸੀ. ਹਾਈਵੇ ਪੈਟਰੋਲ ਨਾਲ 604-526-9744 'ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ।
