24.41C Vancouver 24.41C VancouverJul 22, 2025 5:29 PM - The Canadian Press
ਕੈਨੇਡਾ ਦੀ ਸੰਘੀ ਸਰਕਾਰ ਦੇਸ਼ ਦੇ ਡਿਪਾਜ਼ਿਟ ਬੀਮਾ ਫਰੇਮ ਵਰਕ 'ਚ ਤਬਦੀਲੀ ਕਰਨ ਲਈ ਯਤਨ ਕਰ ਰਹੀ ਹੈ ਤਾਂ ਜੋ ਇਸ ਹੱਦ ਨੂੰ $150,000 ਤੱਕ ਵਧਾਇਆ ਜਾ ਸਕੇ। ਇਸ ਵੇਲੇ ਕੈਨੇਡਾ ਡਿਪਾਜ਼ਿਟ ਇੰਸੋਰੈਂਸ ਕਾਰਪੋਰੇਸ਼ਨ ਨਾਗਰਿਕਾਂ ਨੂੰ ਕਿਸੇ ਬੈਂਕ ਦੀ ਅਸਫਲਤਾ 'ਚ $100,000 ਤੱਕ ਦੀ ਗਾਰੰਟੀ ਦਿੰਦੀ ਹੈ।
ਕੈਨੇਡਾ ਦੇ ਸਾਰੇ ਵੱਡੇ ਬੈਂਕ ਅਤੇ ਹੋਰ ਵਿੱਤੀ ਸੰਸਥਾਵਾਂ ਡਿਪਾਜ਼ਿਟ ਇੰਸੋਰੈਂਸ ਢਾਂਚੇ ਦਾ ਹਿੱਸਾ ਹਨ, ਜਿਹੜਾ ਕਿ ਜ਼ਿਆਦਾਤਰ ਅਤੇ ਗਾਰੰਟੀਸ਼ੁਦਾ ਨਿਵੇਸ਼ ਪ੍ਰਮਾਣਪੱਤਰਾਂ ਨੂੰ ਕਵਰ ਕਰਦਾ ਹੈ ਪਰ ਮਿਉਚੁਅਲ ਫੰਡ,ਸਟਾਕ,ਬਾਂਡ ਜਾਂ ਜਾਂ ਕ੍ਰਿਪਟੋਕਰੰਸੀ ਨਹੀਂ।
ਫਾਇਨਾਂਸ ਕੈਨੇਡਾ ਦੇਸ਼ ਦੇ ਲੋਕਾਂ ਅਤੇ ਵਿੱਤੀ ਪ੍ਰਣਾਲੀ ਦੇ ਹੋਰ ਹਿੱਤ ਧਾਰਕਾਂ ਕੋਲ 26 ਸਤੰਬਰ ਤੱਕ ਇਸ ਢਾਂਚੇ ਵਿੱਤ ਸੰਭਾਵਿਤ ਤਬਦੀਲੀਆਂ ਤੇ ਵਿਚਾਰ ਕਰਨ ਲਈ ਕਿਹਾ ਰਿਹਾ ਹੈ। ਵਿਭਾਗ ਕਿਸੇ ਮੰਦਭਾਗੀ ਜੀਵਨ ਘਟਨਾ ਨਾਲ ਜੁੜੇ ਉੱਚ ਡਿਪਾਜ਼ਿਟ ਤੇ ਵੀ ਕਵਰੇਜ ਵਧਾਉਣ ਤੇ ਮਸ਼ਵਰਾ ਕਰ ਰਿਹਾ ਹੈ ਅਤੇ ਬੈਂਕਾਂ ਨੂੰ ਡਿਪਾਜ਼ਿਟ ਇੰਸੋਰੈਂਸ ਬੀਮਾ ਕਵਰ ਬਾਰੇ ਗ੍ਰਾਹਕਾਂ ਨੂੰ ਵਧੇਰੇ ਅਗਾਉਂ ਜਾਣਕਾਰੀ ਦੇਣ ਦੀ ਵੀ ਲੋੜ ਹੈ।ਔਟਵਾ ਦੀ ਡਿਪਾਜ਼ਿਟ ਬੀਮਾ ਰੂਪ ਰੇਖਾ ਦੀ ਸਮੀਖਿਆ ਆਖਰੀ ਵਾਰ ਇਕ ਦਹਾਕਾ ਪਹਿਲਾਂ ਸ਼ੁਰੂ ਹੋਈ ਅਤੇ 2018 'ਚ ਵਿਦੇਸ਼ੀ ਮੁਦਰਾਵਾਂ ਲਈ ਕਵਰੇਜ ਦਾ ਵਿਸਥਾਰ ਹੋਇਆ।
