11.25C Vancouver 11.25C VancouverApr 22, 2020 12:26 AM -
ਫੈਡਰਲ ਸਰਕਾਰ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਉਮੀਦ ਹੈ ਕਿ ਵੇਜ ਸਬਸਿਡੀਆਂ ਨਾਲ ਸੰਬੰਧਤ ਕੰਮ ਪ੍ਰਦਾਨ ਕਰਨ ਵਾਲਿਆਂ ਦੀਆਂ 90% ਐਪਲੀਕੇਸ਼ਨਾਂ, 5 ਮਈ ਤੋਂ ਪ੍ਰੋਸੈਸ ਹੋਣੀਆਂ ਸ਼ੁਰੂ ਹੋ ਜਾਣਗੀਆਂ।
ਕੋਵਿਡ-19 ਸੰਬੰਧੀ ਕੈਬਿਨੇਟ ਕਮੇਟੀ ਦੇ ਵਾਈਸ-ਚੇਅਰ ਜੀਨ ਯਵੇਸ ਡੁਕਲੌਸ ਨੇ ਇਸ ਟਾਈਮਲਾਈਨ ਦੇ ਵੇਰਵਿਆਂ ਸੰਬੰਧੀ ਗੱਲਬਾਤ ਕੀਤੀ ਹੈ।
ਇਹ ਟਾਈਮਲਾਈਨ ਉਸ ਵੇਲੇ ਪੇਸ਼ ਕੀਤੀ ਗਈ, ਜਦ ਅੱਜ ਸਵੇਰੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਐਲਾਨ ਕੀਤਾ ਕਿ ਵੇਜ ਸੱਪੋਰਟ ਅਗਲੇ ਸੋਮਵਾਰ ਤੋਂ ਉਪਲਬਧ ਹੋਵੇਗੀ।
ਹਾਲਾਂਕਿ ਪ੍ਰਧਾਨ ਮੰਤਰੀ ਜਾਂ ਕਮੇਟੀ ਮੈਂਬਰਾਂ ਵਿੱਚੋਂ ਕਿਸੇ ਨੇ ਇਹ ਗੱਲ ਨਹੀਂ ਆਖੀ ਕਿ ਫੰਡ ਕਦੋਂ ਤੋਂ ਮਿਲਣੇ ਸ਼ੁਰੂ ਹੋ ਜਾਣਗੇ।
ਯਾਦ ਰਹੇ ਕੋਵਿਡ-19 ਕਾਰਨ ਨੁਕਸਾਨ ਝੱਲ ਰਹੇ, ਕੰਮ ਪ੍ਰਦਾਨ ਕਰਨ ਵਾਲਿਆਂ ਨੂੰ ਵਰਕਰਾਂ ਦੀਆਂ ਤਨਖਾਹਾਂ ਦਾ 75% ਹਿੱਸਾ 15 ਮਾਰਚ ਤੋਂ ਦਿੱਤੇ ਜਾਣ ਸੰਬੰਧੀ ਐਲਾਨ ਕੀਤਾ ਜਾ ਚੁੱਕਿਆ ਹੈ।
