ਫੈਡਰਲ ਸਰਕਾਰ ਨੇ ਪੋਰਟ ਆਫ਼ ਵੈਨਕੂਵਰ ਗੇਟਵੇ ਰਣਨੀਤੀ ਦਾ ਕੀਤਾ ਐਲਾਨ ,ਵਪਾਰ ਨੂੰ ਮਿਲੇਗੀ ਰਫ਼ਤਾਰ

ਬੀ.ਸੀ. ਵਿਚ ਫੈਡਰਲ ਟ੍ਰਾਂਸਪੋਰਟ ਮੰਤਰੀ ਸਟੀਵਨ ਮੈਕਕਿਨਨ ਨੇ ਅੱਜ Port of Vancouver Gateway Strategy ਦਾ ਐਲਾਨ ਕੀਤਾ ਹੈ, ਜਿਸ ਤਹਿਤ 17,000 ਨੌਕਰੀਆਂ ਅਤੇ $100-ਬਿਲੀਅਨ ਦੇ ਕੰਟੇਨਰ ਵਪਾਰ ਦੇ ਟੀਚੇ ਨਾਲ ਡੈਲਟਾ ਵਿਚ ਰੌਬਰਟਸ ਬੈਂਕ ਟਰਮੀਨਲ 2 ਦੇ ਵਿਸਥਾਰ ਅਤੇ ਐਲਬਰਟਾ ਦੀ ਬੀ. ਸੀ. ਵਿਚ ਆਉਣ ਵਾਲੀ ਵੈਸਟ ਕੋਸਟ ਤੇਲ ਪਾਈਪਲਾਈਨ ਨੂੰ ਤੇਜ਼ੀ ਨਾਲ ਮਨਜ਼ੂਰੀ ਲਈ ਮੇਜਰ ਪ੍ਰੋਜੈਕਟ ਔਫਿਸ ਕੋਲ ਭੇਜਿਆ ਗਿਆ ਹੈ।

ਇਸ ਪਹਿਲਕਦਮੀ ਦਾ ਉਦੇਸ਼ ਇੰਡੋ-ਪੈਸੀਫਿਕ ਖੇਤਰ ਵਿਚ ਵਪਾਰ ਨੂੰ ਵਧਾਉਣਾ ਅਤੇ 2035 ਤੱਕ ਗੈਰ-ਅਮਰੀਕੀ ਐਕਸਪੋਰਟ ਨੂੰ ਦੁੱਗਣਾ ਕਰਨਾ ਹੈ। ਫੈਡਰਲ ਸਰਕਾਰ ਨਵੇਂ ਵੱਡੇ ਪ੍ਰੋਜੈਕਟਾਂ ਅਤੇ ਸਾਲਾਂ ਤੋਂ ਪੁਰਾਣੇ ਲਟਕੇ ਪ੍ਰੋਜੈਕਟਾਂ ਨੂੰ ਮੇਜਰ ਪ੍ਰੋਜੈਕਟ ਔਫਿਸ ਕੋਲ ਭੇਜ ਕੇ ਇੱਕੋ ਸਿੰਗਲ ਰੈਗੂਲੇਟਰੀ ਵਿੰਡੋ ਤਹਿਤ ਤੇਜ਼ੀ ਨਾਲ ਮਨਜ਼ੂਰੀ ਦੇ ਰਹੀ ਹੈ।

ਸਰਕਾਰ ਦੀ ਵੈਨਕੂਵਰ ਗੇਟਵੇ ਰਣਨੀਤੀ ਵਿਚ ਦੇਸ਼ ਦੇ ਸਭ ਤੋਂ ਵੱਡੇ ਪੋਰਟ ਔਫ ਵੈਨਕੂਵਰ ਵਿਚੋਂ ਲੰਘਣ ਵਾਲੇ ਰੇਲ ਇਨਫਰਾਸਟਕਚਰ ਨੂੰ ਆਧੁਨਿਕ ਅਤੇ ਮਜ਼ਬੂਤ ਬਣਾਉਣ ਦੀਆਂ ਯੋਜਨਾਵਾਂ ਵੀ ਸ਼ਾਮਲ ਹਨ।