ਫੈਡਰਲ ਹੈਲਥ ਮਨਿਸਟਰ ਮੁਤਾਬਕ ਕੈਨੇਡਾ ਹਾਲੇ ਨਸ਼ਿਆਂ ਦੀ ਡਿਕਰਿਮਿਨਲਾਈਜ਼ੇਸ਼ਨ ਵਾਸਤੇ ਤਿਆਰ ਨਹੀਂ

ਕੈਨੇਡਾ ਦੀ ਹੈਲਥ ਮਨਿਸਟਰ ਪੈਟੀ ਹਾਜਡੁ (Health Minister Patty Hajdu) ਦਾ ਕਹਿਣਾ ਹੈ ਕਿ ਜਿਹੜੇ ਮੁਲਕਾਂ ਵਿੱਚ, ਨਸ਼ਿਆਂ ਦੀ ਵਰਤੋਂ ਨੂੰ ਅਪਰਾਧਕ ਨਹੀਂ ਮੰਨਿਆ ਜਾਂਦਾ, ਓਥੇ ਨਸ਼ਿਆਂ ਦੇ ਆਦੀ ਵਿਅਕਤੀਆਂ ਵਾਸਤੇ ਸੁਰੱਖਿਆ ਅਤੇ ਸਹਿਯੋਗ ਦੇ ਹੋਰ ਸਾਧਨ ਉਪਲੱਭਦ ਕਰਵਾਏ ਜਾਂਦੇ ਹਨ।

ਹਾਜਡੁ ਵੈਨਕੂਵਰ ਦੀ ਡਾਉਨਟਾਉਨ ਈਸਟਸਾਈਡ ਇਲਾਕੇ ਵਿੱਚ ਸਥਿਤ ਮੋਲਸਨ ਓਵਰਡੋਜ਼ ਪ੍ਰੀਵੈਨਸ਼ਨ ਸਾਈਟ (Molson Overdose Prevention Site) ਦਾ ਦੌਰਾ ਕਰ ਰਹੇ ਸਨ।

ਉਨ੍ਹਾਂ ਦਾ ਮੰਨਣਾ ਹੈ ਕਿ ਹਰ ਸੂਬੇ ਦੀਆਂ ਵੱਖ ਵੱਖ ਚੁਣੌਤੀਆਂ ਹਨ ਅਤੇ ਰੋਕਥਾਮ, ਇਲਾਜ, ਨੁਕਸਾਨ ਨੂੰ ਘਟਾਉਣਾ ਅਤੇ ਸਖ਼ਤੀ ਵਰਗੇ ਕੁਝ ਉਪਾਵਾਂ ਨਾਲ ਓਪਿਓਇਡ (opioid) ਸੰਕਟ ਨਾਲ ਨਜਿੱਠਿਆ ਜਾ ਸਕਦਾ ਹੈ।

ਪਿੱਛਲੇ ਮਹੀਨੇ ਪ੍ਰਧਾਨਮੰਤਰੀ ਜਸਟਿਨ ਟਰੂਡੋ (Prime Minister Justin Trudeau) ਨੇ ਕਿਹਾ ਸੀ ਕਿ ਓਪਿਓਇਡ ਸੰਕਟ ਦਾ ਹੱਲ ਡਿਕਰਿਮਿਨਲਾਈਜ਼ੇਸ਼ਨ (de-criminalization) ਨਹੀਂ ਹੈ।