13.79C Vancouver 13.79C VancouverJan 21, 2025 5:03 PM - The Canadian Press
ਕੈਨੇਡਾ ਦੇ ਇਮੀਗ੍ਰੇਸ਼ਨ ਡਿਪਾਰਟਮੈਂਟ ਨੇ ਅਗਲੇ ਤਿੰਨ ਸਾਲਾਂ ਵਿਚ ਲਗਭਗ 3,300 ਨੌਕਰੀਆਂ ਖ਼ਤਮ ਕਰਨ ਦੀ ਯੋਜਨਾ ਦਾ ਐਲਾਨ ਕੀਤਾ ਹੈ, ਜੋ ਇਸ ਦੇ ਕਰਮਚਾਰੀਆਂ ਦਾ ਲਗਭਗ ਇੱਕ ਚੌਥਾਈ ਹਿੱਸਾ ਹੈ। ਆਈਆਰਸੀਸੀ ਦਾ ਕਹਿਣਾ ਹੈ ਕਿ ਉਹ ਘੱਟ ਇਮੀਗ੍ਰੇਸ਼ਨ ਦੇ ਪੱਧਰ ਨਾਲ ਮੇਲ ਕਰਦੇ ਹੋਏ ਖ਼ਰਚ ਵਿਚ ਕਟੌਤੀ ਕਰ ਰਿਹਾ ਹੈ ਅਤੇ ਸਟਾਫ ਦੀ ਗਿਣਤੀ ਨੂੰ ਕੋਰੋਨਾ ਤੋਂ ਪਹਿਲਾਂ ਦੇ ਪੱਧਰ ’ਤੇ ਲਿਆਂਦਾ ਜਾਵੇਗਾ।
ਡਿਪਾਰਟਮੈਂਟ ਵਲੋਂ ਸੋਮਵਾਰ ਆਪਣੇ ਕਰਮਚਾਰੀ ਨੂੰ ਬਜਟ ਵਿਚ ਕਟੌਤੀ ਅਤੇ ਇਸ ਦਾ ਸਟਾਫ ’ਤੇ ਪੈਣ ਵਾਲੇ ਅਸਰ ਦੀ ਜਾਣਕਾਰੀ ਈਮੇਲ ਜ਼ਰੀਏ ਦਿੱਤੀ ਜਾ ਚੁੱਕੀ ਹੈ। ਹਾਲਾਂਕਿ, ਇਸ ਨਾਲ ਕਿਹੜੇ ਕਰਮਚਾਰੀ ਪ੍ਰਭਾਵਿਤ ਹੋਣਗੇ ਇਹ ਅਜੇ ਅਸਪੱਸ਼ਟ ਹੈ ਅਤੇ ਡਿਪਾਰਟਮੈਂਟ ਵਲੋਂ ਫਰਵਰੀ ਦੇ ਅੱਧ ਤੋਂ ਇਸ ਬਾਰੇ ਕਰਮਚਾਰੀ ਨੂੰ ਸੂਚਿਤ ਕੀਤਾ ਜਾਣਾ ਸ਼ੁਰੂ ਕੀਤਾ ਜਾਵੇਗਾ।
ਆਈਆਰਸੀਸੀ ਨੇ ਇਹ ਵੀ ਕਿਹਾ ਕਿ ਕੁਝ ਮਿਆਦ ਦੇ ਇਕਰਾਰਨਾਮੇ ਨੂੰ ਪਹਿਲਾਂ ਹੀ ਖ਼ਤਮ ਕੀਤਾ ਜਾ ਸਕਦਾ ਹੈ ਅਤੇ ਜੋ ਇਸ ਨਾਲ ਪ੍ਰਭਾਵਿਤ ਹੋਣਗੇ ਉਹਨਾਂ ਨੂੰ ਘੱਟੋ-ਘੱਟ 30 ਦਿਨ ਪਹਿਲਾਂ ਨੋਟਿਸ ਦੇ ਦਿੱਤਾ ਜਾਵੇਗਾ। ਖਜ਼ਾਨਾ ਬੋਰਡ ਮੁਤਾਬਕ, ਮਾਰਚ 2024 ਦੇ ਅੰਤ ਤੱਕ ਆਈਆਰਸੀਸੀ ਦੇ 13,100 ਕਰਮਚਾਰੀ ਸਨ, ਇਸ ਵਿਚ 25 ਫੀਸਦੀ ਕਟੌਤੀ ਨਾਲ ਸਟਾਫ ਦੀ ਗਿਣਤੀ ਵਾਪਸ 2021 ਦੇ ਪੱਧਰ ਦੇ ਆਸਪਾਸ ਆ ਜਾਵੇਗੀ।
