ਕੈਨੇਡਾ ਵਿਚ ਫੈਡਰਲ ਚੋਣਾਂ ਲਈ ਕੰਪੇਨ ਹੋਈ ਸ਼ੁਰੂ

ਕੈਨੇਡਾ ਵਿਚ ਫੈਡਰਲ ਚੋਣਾਂ ਲਈ ਕੰਪੇਨ ਸ਼ੁਰੂ ਹੋ ਚੁੱਕੀ ਹੈ। ਪ੍ਰਧਾਨ ਮੰਤਰੀ ਦੀ ਦੌੜ ਵਿਚ ਲਿਬਰਲ ਵਲੋਂ ਮਾਰਕ ਕਾਰਨੀ, ਕੰਜ਼ਰਵੇਟਿਵ ਵਲੋਂ ਪੀਅਰ ਪੌਲੀਐਵ ਅਤੇ ਐੱਨ. ਡੀ. ਪੀ. ਵਲੋਂ ਜਗਮੀਤ ਸਿੰਘ ਮੈਦਾਨ ਵਿਚ ਹਨ। ਇਹ ਚੋਣਾਂ ਨਿਰਧਾਰਤ ਮਿਆਦ ਤੋਂ 6 ਮਹੀਨੇ ਪਹਿਲਾਂ ਹੋ ਰਹੀਆਂ ਹਨ। ਕਾਰਨੀ ਵਲੋਂ ਬੀਤੇ ਕੱਲ੍ਹ ਗਵਰਨਰ ਜਨਰਲ ਮੈਰੀ ਸਾਈਮਨ ਨਾਲ ਮੁਲਾਕਾਤ ਕਰਕੇ ਸੰਸਦ ਭੰਗ ਕੀਤੀ ਗਈ ਅਤੇ 28 ਅਪ੍ਰੈਲ ਨੂੰ ਚੋਣਾਂ ਕਰਵਉਣ ਦੀ ਘੋਸ਼ਣਾ ਕੀਤੀ ਗਈ ਹੈ। ਐਂਡਵਾਂਸ ਵੋਟਿੰਗ ਈਸਟਰ ਵੀਕਐਂਡ 'ਤੇ ਸ਼ੁਰੂ ਹੋ ਸਕਦੀ ਹੈ। ਉੱਥੇ ਹੀ, ਪਹਿਲੀ ਵਾਰ ਚੋਣ ਲੜ ਰਹੇ ਮਾਰਕ ਕਾਰਨੀ ਔਟਵਾ ਦੀ ਨਪੀਅਨ ਰੀਡਿੰਗ ਤੋਂ ਮੈਦਾਨ ਵਿਚ ਉਤਰੇ ਹਨ, ਜੋ ਕਿ ਪੌਲੀਐਵ ਦੀ ਰਾਈਡਿੰਗ ਕਾਰਲਟਨ ਦੇ ਗੁਆਂਢ ਵਿਚ ਹੈ।

ਕਾਰਨੀ ਨੇ ਚੋਣਾਂ ਦਾ ਸੱਦਾ ਦਿੰਦੇ ਹੋਏ ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਲਡ ਟਰੰਪ ਦੀਆਂ ਧਮਕੀਆਂ ਨਾਲ ਨਜਿੱਠਣ ਲਈ ਮਜ਼ਬੂਤ ​​ਜਨਾਦੇਸ਼ ਮੰਗਿਆ ਹੈ। ਉਥੇ ਹੀ, ਪੌਲੀਐਵ ਨੇ ਹਾਊਸਿੰਗ ਸੰਕਟ ਅਤੇ ਮਹਿੰਗਾਈ ਸਮੇਤ ਹੋਰ ਮੁੱਦਿਆਂ ਲਈ ਲਿਬਰਲਸ ਨੂੰ ਜ਼ਿੰਮੇਵਾਰ ਠਹਿਰਾਇਆ,ਜਦੋਂ ਕਿ ਜਗਮੀਤ ਸਿੰਘ ਦਾ ਇਲਜ਼ਾਮ ਹੈ ਉਨ੍ਹਾਂ ਦੇ ਦੋਵੇਂ ਮੁੱਖ ਵਿਰੋਧੀ ਅਮੀਰ ਅਤੇ ਪਾਵਰਫੁਲ ਲੋਕਾਂ ਲਈ ਕੰਮ ਕਰਨਗੇ ਅਤੇ ਆਮ ਕੈਨੇਡੀਅਨ ਦੀਆਂ ਜ਼ਰੂਰੀ ਜ਼ਰੂਰਤਾਂ ਨੂੰ ਨਜ਼ਰਅੰਦਾਜ਼ ਕਰਨਗੇ।