13.41C Vancouver 13.41C VancouverOct 21, 2021 7:13 PM - Connect News
ਵਿਕਟੋਰੀਆ ਪੁਲਿਸ ਅਤੇ ਗ੍ਰੇਟਰ ਵਿਕਟੋਰੀਆ ਐਮਰਜੈਂਸੀ ਰਿਸਪਾਂਸ ਟੀਮ ਵੱਲੋਂ ਡਰੱਗਸ ਅਤੇ ਹਥਿਆਰ ਜਬਤ ਕੀਤੇ ਗਏ ਹਨ।
ਡਰੱਗ ਤਸਕਰੀ ਸੰਬੰਧੀ ਜਾਂਚ ਤੋਂ ਬਾਅਦ ਪੁਲਿਸ ਨੂੰ ਫੈਂਟਾਨਿਲ, ਹਥਿਆਰ ਅਤੇ ਕੈਸ਼ ਬਰਾਮਦ ਹੋਇਆ।
ਪੁਲਿਸ ਨੇ ਦੱਸਿਆ ਕਿ ਮਾਮਲੇ 'ਚ ਜਾਂਚ ਅਕਤੂਬਰ ਦੀ ਸ਼ੁਰੂਆਤ 'ਚ ਅਰੰਭੀ ਗਈ ਸੀ।
ਜਾਣਕਾਰੀ ਦਿੱਤੀ ਗਈ ਕਿ ਜਾਂਚ ਇੱਕ ਮਲਟੀ ਯੂਨਿਟ ਰੈਜ਼ੀਡੈਂਸ਼ੀਅਲ ਇਮਾਰਤ 'ਚ ਸਥਿਤ ਇੱਕ ਸੁਇਟ ਅਤੇ ਉਸ 'ਚ ਰਹਿੰਦੇ ਵਿਅਕਤੀ 'ਤੇ ਕੇਂਦਰਿਤ ਸੀ।
ਇਹ ਇਮਾਰਤ ਜੌਨਸਨ ਸਟ੍ਰੀਟ ਦੇ 900 ਬਲੌਕ 'ਚ ਸਥਿਤ ਦੱਸੀ ਗਈ।
ਸੁਇਟ ਦੀ ਤਲਾਸ਼ੀ ਲੈਣ 'ਤੇ ਡਰੱਗਸ ਤੋਂ ਇਲਾਵਾ ਇੱਕ ਰੈਪਲਿਕਾ ਬੰਦੂਕ, ਇੱਕ ਬੈਟਨ ਅਤੇ ਕੈਟਲਪ੍ਰੌਡ ਜਿਹੇ ਹਥਿਆਰ ਮਿਲੇ।
ਇਸ ਤੋਂ ਇਲਾਵਾ ਕਰੀਬ $8,000 ਕੈਸ਼ ਬਰਾਮਦ ਹੋਇਆ।
ਸ਼ੱਕੀ ਨੂੰ ਵਧੇਰੀ ਜਾਂਚ ਦੇ ਚਲਦਿਆਂ ਰਿਹਾਅ ਕਰ ਦਿੱਤਾ ਗਿਆ।
