13.89C Vancouver 13.89C VancouverSep 14, 2020 10:38 PM -
ਨਿਊ ਵੈਸਟਮਿਨਸਟਰ 'ਚ ਇੱਕ ਅੱਗ ਲੱਗਣ ਦੀ ਘਟਨਾ 'ਚ ਇੱਕ ਵਾਟਰਫ੍ਰੰਟ ਪਾਰਕ ਨੂੰ ਭਾਰੀ ਨੁਕਸਾਨ ਹੋਇਆ ਦੱਸਿਆ ਗਿਆ ਹੈ।
ਐਤਵਾਰ ਰਾਤ ਨੂੰ ਨਿਊ ਵੈਸਟਮਿਨਸਟਰ ਦੇ ਮੇਯਰ ਜੋਨਾਥਨ ਕੋਟੇ ਨੇ ਸੋਸ਼ਲ ਮੀਡੀਆ 'ਤੇ ਇੱਕ ਸੁਨੇਹਾ ਸਾਂਝਾ ਕੀਤਾ, ਜਿਸ 'ਚ ਉਨ੍ਹਾਂ ਅੱਗ ਕਾਰਨ ਬਣੀ ਸਥਿਤੀ ਨੂੰ ਵਿਨਾਸ਼ਕਾਰੀ ਦੱਸਿਆ।
ਇਹ ਪਾਰਕ ਸਾਲ 2009 'ਚ ਬਣਾਇਆ ਗਿਆ ਸੀ ਅਤੇ ਇਹ ਸਰੀ 'ਤੇ ਨਿਊ ਵੈਸਟਮਿਨਸਟਰ ਨੂੰ ਜੋੜਨ ਵਾਲੇ ਸਕਾਈਟ੍ਰੇਨ ਸਟੇਸ਼ਨ ਦੇ ਬਿਲਕੁਲ ਕਰੀਬ ਹੈ।
ਮੇਯਰ ਦੇ ਟਵਿਟਰ ਸੁਨੇਹੇ 'ਚ ਦੱਸਿਆ ਗਿਆ ਸੀ ਕਿ ਆਸਾਰ ਹਨ ਕਿ, ਪੀਅਰ ਪੂਰੀ ਤਰ੍ਹਾਂ ਨੁਕਸਾਨਿਆ ਗਿਆ ਹੋਵੇ।
ਐਤਵਾਰ ਰਾਤ ਨੂੰ 8 ਵਜੇ ਦੇ ਕਰੀਬ ਅੱਗ ਲੱਗਣ ਤੋਂ ਬਾਅਦ, ਵੱਡੀ ਗਿਣਤੀ 'ਚ ਅੱਗ ਬੁਝਾਊ ਟੀਮਾਂ ਮੌਕੇ 'ਤੇ ਮੌਜੂਦ ਰਹੀਆਂ।
ਘਟਨਾ 'ਚ ਕਿਸੇ ਦੇ ਜ਼ਖਮੀ ਹੋਣ ਦੀ ਖਬਰ ਨਹੀਂ ਹੈ ਅਤੇ ਸੋਮਵਾਰ ਸਵੇਰੇ ਸਕਾਈਟ੍ਰੇਨ ਪੁਲ ਨੂੰ ਵੀ ਖੋਲ ਦਿੱਤਾ ਗਿਆ ਸੀ।
ਪਾਰਕ ਦੇ ਕੋਲ ਦੀ ਲੰਘਦੀ ਇੱਕ ਵਿਅਸਤ ਸਟ੍ਰੀਟ ਨੂੰ ਬੰਦ ਰੱਖਿਆ ਗਿਆ ਹੈ।
