ਬੀ.ਸੀ. ਵਿੱਚ ਵਧਦੇ ਹੜ੍ਹ ਕਾਰਨ ਜਾਰੀ ਕੀਤੀ ਗਈ ਚਿਤਾਵਨੀ, ਹਾਈਵੇਅ ਵੀ ਹੋਏ ਬੰਦ

ਬੀ. ਸੀ. ਵਿਚ ਭਾਰੀ ਬਾਰਸ਼ ਕਾਰਨ ਫਰੇਜ਼ਰ ਵੈਲੀ ਦੇ ਕੁਝ ਹਿੱਸਿਆਂ ਵਿਚ Flood watches ਅਤੇ ਚਿਤਾਵਨੀਆਂ ਅੱਜ ਸਵੇਰ ਵੀ ਲਾਗੂ ਸਨ, ਜਿਸ ਕਾਰਨ ਲੋਅਰ ਮੇਨਲੈਂਡ ਨੂੰ ਸੂਬੇ ਦੇ ਇੰਟੀਰੀਅਰ ਨਾਲ ਜੋੜਨ ਵਾਲੇ ਕਈ ਮੁੱਖ ਹਾਈਵੇ ਪ੍ਰਭਾਵਿਤ ਹੋਏ ਹਨ।

ਸੂਮਾਸ ਬਾਰਡਰ ਕਰਾਸਿੰਗ ਹੁਣ ਵੀ ਬੰਦ ਰਹਿਣ ਦੀ ਰਿਪੋਰਟ ਦਿੱਤੀ ਗਈ ਹੈ।ਐਬਟਸਫੋਰਡ ਪੁਲਿਸ ਦੇ ਸਾਰਜੈਂਟ ਵਾਕਰ ਨੇ ਵੀਡੀਓ ਮੈਸੇਜ ਵਿਚ ਇਸ ਦੀ ਅਪਡੇਟ ਦਿੱਤੀ, ਉਨ੍ਹਾਂ ਕਿਹਾ ਕਿ ਸੂਮਾਸ ਪ੍ਰੇਰੀ ਵਿਚ ਵੀ ਸੜਕਾਂ ਬੰਦ ਹਨ ਅਤੇ ਇਹ ਦਿਨ ਭਰ ਰਹਿ ਸਕਦਾ ਹੈ।

ਗੌਰਤਲਬ ਹੈ ਕਿ ਲੋਅਰ ਮੇਨਲੈਂਡ ਅਤੇ ਇੰਟੀਰੀਅਰ ਦਰਮਿਆਨ ਹਾਈਵੇ 1,ਹਈਵੇ 3, ਹਾਈਵੇ 5, ਹਾਈਵੇ 7 ਅਤੇ ਸੂਮਾਸ ਬਾਰਡਰ ਕਰਾਸਿੰਗ 'ਤੇ ਹਾਈਵੇ 11 ਦੇ ਹਿੱਸੇ ਰਾਤ ਹੀ ਬੰਦ ਕਰ ਦਿੱਤੇ ਗਏ ਸਨ। ਵਾਸ਼ਿੰਗਟਨ ਵਿਚ ਨਦੀਆਂ ਉਫਾਨ 'ਤੇ ਹੋਣ ਕਾਰਨ ਗਵਰਨਰ ਬੌਬ ਫਰਗੂਸਨ ਵਲੋਂ ਬੁੱਧਵਾਰ ਰਾਜ ਵਿਆਪੀ ਐਮਰਜੈਂਸੀ ਲਾਗੂ ਕੀਤੀ ਗਈ। ਇਸ ਦੇ ਨਾਲ ਐਬਟਸਫੋਰਡ ਸਿਟੀ ਨੇ ਵੀ ਰਾਤ ਹੀ ਲੋਕਲ ਐਮਰਜੈਂਸੀ ਦਾ ਐਲਾਨ ਕਰ ਦਿੱਤਾ ਸੀ।