12.6C Vancouver 12.6C VancouverMay 6, 2020 9:44 PM -
ਔਂਟੈਰੀਓ 'ਚ ਕਨੇਡੀਅਨ ਫੋਰਸਿਜ਼ ਬੇਸ ਟ੍ਰੈਂਟਨ 'ਚ ਨੇਟੋ ਹੈਲੀਕਾਪਟਰ ਕਰੈਸ਼ ਦੇ ਪੀੜਤ 6 ਕਨੇਡੀਅਨ ਸਰਵਿਸ ਮੈਂਬਰਾਂ ਦੇ ਸਨਮਾਨ 'ਚ ਰੀਪੈਟਰੀਏਸ਼ਨ ਸਮਾਗਮ ਰੱਖਿਆ ਗਿਆ।
ਸਥਾਨਕ ਸਮੇਂ ਅਨੁਸਾਰ ਦੁਪਹਿਰ 2.15 ਵਜੇ ਇਸ ਰੀਪੈਟਰੀਏਸ਼ਨ ਸਮਾਗਮ ਦੀ ਸ਼ੁਰੂਆਤ ਹੋਈ।
ਸਭ ਤੋਂ ਪਹਿਲਾਂ ਸਬ ਲੈਫਟੀਨੈਂਟ ਐਬੀਗੇਲ ਕਾਬਰੋ ਦੇ ਮ੍ਰਿਤਕ ਸ਼ਰੀਰ ਨੂੰ ਕੌਫਿਨ 'ਚ ਲਿਆਂਦਾ ਗਿਆ।
23 ਸਾਲਾ ਸਬ ਲੈਫਟੀਨੈਂਟ ਇਸ ਹਾਦਸੇ ਦਾ ਸ਼ਿਕਾਰ ਹੋਈ ਇਕੱਲੀ ਅਜੇਹੀ ਮੈਂਬਰ ਸੀ, ਜਿਸਦੀ ਮ੍ਰਿਤਕ ਦੇਹ ਮਿਲ ਸਕੀ।
ਬਾਕੀ ਦੇ 5 ਮੈਂਬਰਾਂ ਦੇ ਮ੍ਰਿਤ ਸ਼ਰੀਰ ਨਹੀਂ ਮਿਲੇ ਸਨ ਅਤੇ ਉਨ੍ਹਾਂ ਦੇ ਸਰਵਿਸ ਹੈਡਰੈਸ ਨੂੰ ਨਿਸ਼ਾਨੀ ਵਜੋਂ ਲਿਆਂਦਾ ਗਿਆ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਦੇ ਸੁਪੁਰਦ ਕੀਤਾ ਗਿਆ।
ਗ੍ਰੀਸ ਦੇ ਸਮੁੰਦਰੀ ਤਟਾਂ ਕੋਲ ਈਓਨੀਅਨ ਸਮੁੰਦਰ 'ਚ ਕਨੇਡੀਅਨ ਨੇਟੋ ਹੈਲੀਕੌਪਟਰ ਕ੍ਰੈਸ਼ ਹੋ ਗਿਆ ਸੀ।
ਇਸਤੇ ਸਵਾਰ 6 ਸਰਵਿਸ ਮੈਂਬਰਾਂ ਦੀ ਜਾਨ ਚਲੀ ਗਈ ਸੀ।
ਇਸ ਸੈਰੇਮਨੀ 'ਚ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ, ਗਵਰਨਰ ਜਨਰਲ ਜੂਲੀ ਪਾਏਟ, ਰੱਖਿਆ ਮੰਤਰੀ ਹਰਜੀਤ ਸੱਜਣ ਵੀ ਮੌਜੂਦ ਰਹੇ।
ਪੀੜਤ ਸਰਵਿਸ ਮੈਂਬਰਾਂ ਦੇ ਕਈ ਪਰਿਵਾਰਿਕ ਮੈਂਬਰ ਵੀ ਇਸ ਸੈਰੇਮਨੀ ਦਾ ਹਿੱਸਾ ਬਣੇ।
ਇਸ ਦੌਰਾਨ ਉਨ੍ਹਾਂ ਭਾਵੁਕ ਪਰਿਵਾਰਿਕ ਮੈਂਬਰਾਂ ਦੇ ਅੱਥਰੂ ਰੋਕੇ ਨਹੀਂ ਰੁਕ ਰਹੇ ਸਨ।
ਜਾਨ ਗਵਾਉਣ ਵਾਲੇ ਸਰਵਿਸ ਮੈਂਬਰਾਂ 'ਚ ਕੈਪਟਨ ਕੇਵਿਨ ਹੈਗਨ, ਕੈਪਟਨ ਬ੍ਰੈਂਡਨ ਈਅਨ ਮੈਕਡੌਨਲਡ, ਕੈਪਟਨ ਮੈਕਸਿਮ ਮੈਰੀਨ-ਮੌਰੀਨ, ਸਬ ਲੈਫਟੀਨੈਂਟ ਮੈਥਿਊ ਪਾਈਕ ਅਤੇ ਮਾਸਟਰ ਕੌਰਪੋਰਲ ਮੈਥਿਊ ਕਜ਼ਨਸ ਸ਼ਾਮਿਲ ਸਨ।
ਹੈਲੀਕਾਪਟਰ ਨਾਲ ਵਾਪਰੀ ਘਟਨਾ ਤੋਂ ਬਾਅਦ ਭਾਲ ਅਤੇ ਬਚਾਅ ਅਭਿਆਨ ਆਰੰਭ ਦਿੱਤੇ ਗਏ ਸਨ, ਪਰ ਕੋਈ ਵੀ ਸਰਵਿਸ ਮੈਂਬਰ ਜੀਵਤ ਨਹੀਂ ਮਿਲਿਆ ਸੀ।
