ਡੱਗ ਫੋਰਡ ਨੇ ਅਮਰੀਕੀ ਰਾਜਦੂਤ ਨੂੰ ਓਨਟਾਰੀਓ ਪ੍ਰਤੀਨਿਧੀ ਤੋਂ ਮਾਫ਼ੀ ਮੰਗਣ ਦੀ ਕੀਤੀ ਅਪੀਲ

ਪ੍ਰੀਮੀਅਰ ਡੱਗ ਫੋਰਡ ਨੇ ਅਮਰੀਕੀ ਰਾਜਦੂਤ ਪੀਟ ਹੋਇਕਸਟਰਾ ਨੂੰ ਵਾਸ਼ਿੰਗਟਨ ਵਿਚ ਓਨਟਾਰੀਓ ਦੇ ਵਪਾਰ ਪ੍ਰਤੀਨਿਧੀ ਵਜੋਂ ਸੇਵਾ ਨਿਭਾ ਰਹੇ ਡੇਵਿਡ ਪੈਟਰਸਨ ਤੋਂ ਮਾਫੀ ਮੰਗਣ ਲਈ ਕਿਹਾ ਹੈ,ਹੋਇਕਸਟਰਾ ਨੇ ਪ੍ਰਾਂਤ ਦੀ ਅਮਰੀਕਾ ਵਿਚ ਐਂਟੀ ਟੈਰਿਫ ਐਡ ਨੂੰ ਲੈ ਕੇ ਔਟਵਾ ਵਿਚ ਸੋਮਵਾਰ ਨੂੰ ਹੋਏ ਇੱਕ ਵੱਡੇ ਈਵੈਂਟ ਦੌਰਾਨ ਡੇਵਿਡ ਪੈਟਰਸਨ ਨੂੰ ਜਨਤਕ ਤੌਰ 'ਤੇ ਇਤਰਾਜ਼ਯੋਗ ਸ਼ਬਦ ਕਹੇ ਸਨ।

ਪੈਟਰਸਨ ਜਨਰਲ ਮੋਟਰਜ਼ ਦੇ ਸਾਬਕਾ ਕਾਰਜਕਾਰੀ ਹਨ ਜੋ ਇਸ ਸਮੇਂ ਵਾਸ਼ਿੰਗਟਨ ਵਿਚ ਵਾਸ਼ਿੰਗਟਨ ਦੇ ਵਪਾਰ ਪ੍ਰਤੀਨਿਧੀ ਦੇ ਰੂਪ ਵਿਚ ਕੰਮ ਕਰ ਰਹੇ ਹਨ। ਪ੍ਰੀਮੀਅਰ ਫੋਰਡ ਨੇ ਹੋਇਕਸਟਰਾ ਦੇ ਵਰਤਾਰੇ ਨੂੰ ਬਿਲਕੁਲ ਨਾ ਸਹਿਣਯੋਗ ਦੱਸਿਆ ਅਤੇ ਕਿਹਾ ਕਿ ਇੱਕ ਅੰਬੈਸਡਰ ਦੇ ਤੌਰ 'ਤੇ ਇਹ ਉਮੀਦ ਨਹੀਂ ਕੀਤੀ ਜਾ ਸਕਦੀ। ਓਨਟਾਰੀਓ ਪ੍ਰੀਮੀਅਰ ਨੇ ਕਿਹਾ ਕਿ ਪੈਟਰਸਨ ਨੂੰ ਮਾਫੀ ਮੰਗਣੀ ਹੋਵੇਗੀ।

ਫੋਰਡ ਨੇ ਕਿਹਾ ਕਿ ਮੈਂ ਸਮਝਦਾ ਹਾਂ ਕਿ ਤੁਹਾਨੂੰ ਗੁੱਸਾ ਆ ਗਿਆ ਪਰ ਹੁਣ ਸਿੰਪਲ ਜਿਹੀ ਗੱਲ ਇਹ ਹੈ ਕਿ ਉਸ ਬੰਦੇ ਨੂੰ ਫ਼ੋਨ ਕਰਕੇ ਮਾਫੀ ਮੰਗੋ। ਪ੍ਰੀਮੀਅਰ ਨੇ ਕਿਹਾ ਕਿ ਡੇਵਿਡ ਮੇਰਾ ਚੈਪੀਅਨ ਹੈ ਜੋ ਵਪਾਰ ਡੀਲਸ ਲਈ ਕੰਮ ਕਰ ਰਹੇ ਹਨ। ਸੂਤਰਾਂ ਨੇ ਦੱਸਿਆ ਕਿ ਹੋਇਕਸਟਰਾ ਨੇ ਓਨਟਾਰੀਓ ਦੇ ਇਸ਼ਤਿਹਾਰ 'ਤੇ ਪੈਟਰਸਨ ਨੂੰ ਗਾਲਾਂ ਕੱਢਣੀਆਂ ਸ਼ੁਰੂ ਕਰ ਦਿੱਤੀਆਂ ਸਨ। ਕੈਨੇਡੀਅਨ ਅਮਰੀਕਨ ਬਿਜ਼ਨਸ ਕੌਂਸਲ ਦੇ ਇਸ ਈਵੈਂਟ ਵਿਚ ਪ੍ਰਮੁੱਖ ਡਿਪਲੋਮੈਟ, ਮੰਤਰੀ ਅਤੇ ਕਾਰੋਬਾਰੀ ਆਗੂ ਮੌਜੂਦ ਸਨ।