ਕੈਨੇਡਾ ਦੇ ਸਾਬਕਾ ਪ੍ਰਧਾਨ ਮੰਤਰੀ ਸਟੀਫਨ ਹਾਰਪਰ ਇਸ ਹਫ਼ਤੇ ਭਾਰਤ ਦੌਰੇ 'ਤੇ

ਕੈਨੇਡਾ ਦੇ ਸਾਬਕਾ ਪ੍ਰਧਾਨ ਮੰਤਰੀ ਸਟੀਫਨ ਹਾਰਪਰ ਇਸ ਹਫ਼ਤੇ ਭਾਰਤ ਦੌਰੇ 'ਤੇ ਹਨ। ਉਨ੍ਹਾਂ ਨਵੀਂ ਦਿੱਲੀ ਵਿਚ ਆਯੋਜਿਤ ਰਾਇਸੀਨਾ ਡਾਇਲਾਗ ਕਾਨਫਰੰਸ ਦੌਰਾਨ ਭਾਰਤ ਦੇ ਵਿਦੇਸ਼ ਮੰਤਰੀ ਡਾ.ਐਸ. ਜੈਸ਼ੰਕਰ ਨਾਲ ਮੁਲਾਕਾਤ ਕੀਤੀ। ਉਨ੍ਹਾਂ ਤੋਂ ਇਲਾਵਾ ਇਸ ਕਾਨਫਰੰਸ ਵਿਚ ਸਸਕੈਚਵਨ ਦੇ ਪ੍ਰੀਮੀਅਰ ਸਕੋਟ ਮੋਅ ਵੀ ਸ਼ਾਮਲ ਹੋਏ ਹਨ।

ਮੋਅ ਨੇ ਇਸ ਦੌਰਾਨ ਮੀਡੀਆ ਨਾਲ ਗੱਲਬਾਤ ਵਿਚ ਇਸ ਹਫ਼ਤੇ ਦੇ ਸ਼ੁਰੂ ਵਿਚ ਭਾਰਤ ਅਤੇ ਕੈਨੇਡਾ ਵਿਚਕਾਰ ਹੋਈਆਂ ਮੀਟਿੰਗਾਂ 'ਤੇ ਸੰਤੁਸ਼ਟੀ ਜ਼ਾਹਿਰ ਕਰਦਿਆਂ ਕਿਹਾ ਕਿ ਉਹ ਸਬੰਧਾਂ ਵਿਚ ਆਏ ਸੁਧਾਰ ਤੋਂ ਬਹੁਤ ਖੁਸ਼ ਹਨ। ਪ੍ਰੀਮੀਅਰ ਨੇ ਕਿਹਾ ਕਿ ਸਸਕੈਚਵਨ ਦਾ ਭਾਰਤ ਨਾਲ ਪਹਿਲਾਂ ਹੀ ਵੱਡਾ ਵਪਾਰਕ ਸਬੰਧ ਹੈ ਅਤੇ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਦੇ ਦੌਰੇ ਮੌਕੇ ਹੋਈ ਯੂਰੇਨੀਅਮ ਡੀਲ ਦੀ ਸਪਲਾਈ ਵੀ ਸਾਡੇ ਸੂਬੇ ਤੋਂ ਹੋਵੇਗੀ।

ਗੌਰਤਲਬ ਹੈ ਕਿ ​ਰਾਇਸੀਨਾ ਡਾਇਲਾਗ ਭਾਰਤ ਦੀ ਇੱਕ ਪ੍ਰਮੁੱਖ ਜੀਓ ਪੋਲੀਟੀਕਲ ਕਾਨਫਰੰਸ ਹੈ ਜਿੱਥੇ ਦੁਨੀਆ ਭਰ ਦੇ ਸਿਆਸਤਦਾਨ, ਕਾਰੋਬਾਰੀ ਅਤੇ ਫੌਜੀ ਮਾਹਰ ਇਕੱਠੇ ਹੁੰਦੇ ਹਨ। ਕੈਨੇਡੀਅਨ ਵਫ਼ਦ ਦੀ ਇਸ ਵਿਚ ਮੌਜੂਦਗੀ ਨੂੰ ਦੋਵਾਂ ਦੇਸ਼ਾਂ ਦੇ ਵਪਾਰਕ ਅਤੇ ਰਣਨੀਤਕ ਸਬੰਧਾਂ ਨੂੰ ਮਜ਼ਬੂਤ ਕਰਨ ਦੇ ਰੂਪ ਵਿਚ ਦੇਖਿਆ ਜਾ ਰਿਹਾ ਹੈ। ਕੈਨੇਡੀਅਨ ਫੌਜ ਦੇ ਸੀਨੀਅਰ ਅਧਿਕਾਰੀ ​Lieutenant-General Derek Macaulay ਵੀ ਇਸ ਕਾਨਫਰੰਸ ਸ਼ਾਮਲ ਹੋਏ ਹਨ।