ਕੋਕਟਲਮ ਆਰ.ਸੀ.ਐੱਮ.ਪੀ. ਨੇ ਸਾਬਕਾ ਅਧਿਕਾਰੀ 'ਤੇ ਉਲੰਘਣਾਂ ਦੇ ਲਾਏ ਦੋਸ਼

ਬੀ.ਸੀ.ਦੇ ਇੱਕ ਸਾਬਕਾ ਪੰਜਾਬੀ ਜੇਲ੍ਹ ਅਧਿਕਾਰੀ ਨੂੰ ਚਾਰਜਿਜ਼ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਕੋਕਟਲਮ ਆਰ.ਸੀ.ਐਮ.ਪੀ. ਨੇ ਇੱਕ ਜਾਂਚ ਤੋਂ ਬਾਅਦ ਸਾਬਕਾ ਬੀ.ਸੀ. ਜੇਲ੍ਹ ਅਧਿਕਾਰੀ ਰਮਨਦੀਪ ਰਾਏ ‘ਤੇ ਬ੍ਰੀਚ ਔਫ ਟਰੱਸਟ ਦੇ ਦੋਸ਼ ਲਗਾਏ ਗਏ ਹਨ। ਪੁਲਿਸ ਦਾ ਕਹਿਣਾ ਹੈ ਕਿ ਇਹ ਜਾਂਚ ਸਤੰਬਰ 2022 ਵਿਚ ਸ਼ੁਰੂ ਹੋਈ ਸੀ ਅਤੇ ਰਾਏ ਉਸ ਸਮੇਂ ਪੋਰਟ ਕੋਕਟਲਮ ਦੇ ਨੌਰਥ ਫਰੇਜ਼ਰ ਪ੍ਰੀਟ੍ਰਾਇਲ ਸੈਂਟਰ ਵਿਚ ਤਾਇਨਾਤ ਸੀ।

ਕੋਕਟਲਮ ਆਰ.ਸੀ.ਐਮ.ਪੀ. ਨੇ ਕਿਹਾ ਕਿ ਜਾਂਚ ਦੇ ਨਤੀਜੇ ਵਜੋਂ ਬੀ.ਸੀ.ਪ੍ਰੋਸੀਕਿਊਸ਼ਨ ਸਰਵਿਸ ਨੇ 15 ਅਕਤੂਬਰ ਨੂੰ ਐਬਟਸਫੋਰਡ ਦੇ ਰਮਨਦੀਪ ਰਾਏ ‘ਤੇ ਸਰਕਾਰੀ ਅਧਿਕਾਰੀ ਵਜੋਂ ਭਰੋਸੇ ਦੀ ਉਲੰਘਣਾ ਦੇ ਦੋ ਦੋਸ਼ਾਂ ਨੂੰ ਮਨਜ਼ੂਰੀ ਦਿੱਤੀ।

ਜਾਂਚਕਰਤਾਵਾਂ ਦਾ ਕਹਿਣਾ ਹੈ ਕਿ ਪਹਿਲੀ ਘਟਨਾ 14 ਜੁਲਾਈ 2022 ਅਤੇ 29 ਸਤੰਬਰ 2022 ਦਰਮਿਆਨ ਹੋਈ ਸੀ, ਜਦੋਂ ਕਿ ਦੂਜੀ ਬ੍ਰੀਚ ਔਫ ਟਰੱਸਟ ਦੀ ਘਟਨਾ 11 ਸਤੰਬਰ ਅਤੇ 29 ਸਤੰਬਰ 2022 ਵਿਚਕਾਰ ਹੋਈ ਸੀ। ਰਮਨਦੀਪ ਰਾਏ ਦੀ ਪਹਿਲੀ ਅਦਾਲਤੀ ਪੇਸ਼ੀ ਅੱਜ ਹੋਈ ਹੈ।