14.2C Vancouver 14.2C VancouverNov 27, 2025 12:18 PM - Connect Newsroom - Ramandeep Kaur with files from The Canadian Press
ਸਰੀ ਸਿਟੀ ਦੇ ਇਕ ਸਾਬਕਾ ਕਰਮਚਾਰੀ 'ਤੇ ਕਥਿਤ ਧੋਖਾਧੜੀ ਨਾਲ ਜੁੜੇ ਚਾਰ ਅਪਰਾਧਾਂ ਦਾ ਦੋਸ਼ ਲਾਇਆ ਗਿਆ ਹੈ। ਜਿਸ 'ਚ ਸਿਟੀ ਨੂੰ ਕਰੀਬ 2.5 ਮਿਲੀਅਨ ਡਾਲਰ ਦਾ ਨੁਕਸਾਨ ਹੋਇਆ ਹੈ। ਸਰੀ ਪੁਲਿਸ ਵੱਲੋਂ ਬੁੱਧਵਾਰ ਜਾਰੀ ਬਿਆਨ ਮੁਤਾਬਕ 18 ਨਵੰਬਰ, 2025 ਨੂੰ ਬੀਸੀ ਪ੍ਰੌਸੀਕਿਊਸ਼ਨ ਸਰਵਿਸ ਨੇ 40 ਸਾਲਾ ਸੰਨੀ ਕੈਟਲਿਨ ਖ਼ਿਲਾਫ਼ ਕਈ ਦੋਸ਼ਾਂ ਨੂੰ ਮਨਜੂਰੀ ਦਿੱਤੀ ਹੈ।
ਐਸ.ਪੀ.ਐਸ.ਨੇ ਕਿਹਾ ਕਿ ਕੈਟਲਿਨ ਤੇ ਜਨਤਕ ਅਹੁਦੇ ਤੇ ਧੋਖਾਧੜੀ ਜਾਂ ਵਿਸ਼ਵਾਸਘਾਤ, 5000 ਡਾਲਰ ਤੋਂ ਵੱਧ ਦੀ ਚੋਰੀ ਅਤੇ ਜਾਲਸਾਜ਼ੀ ਦੇ ਦੋਸ਼ ਲਾਏ ਗਏ ਹਨ। ਇਸ ਮਾਮਲੇ ਦੀ ਜਾਂਚ ਸਰੀ ਆਰ.ਸੀ.ਐਮ.ਪੀ. ਆਰਥਿਕ ਅਪਰਾਧ ਇਕਾਈ ਵੱਲੋਂ 2024 'ਚ ਸ਼ੁਰੂ ਕੀਤੀ ਗਈ ਸੀ। ਜਦੋਂ ਸਰੀ ਸਿਟੀ ਵੱਲੋਂ ਆਰ.ਸੀ.ਐਮ.ਪੀ. ਆਰਥਿਕ ਅਪਰਾਧ ਇਕਾਈ ਨੂੰ ਇਕ ਅਹਿਮ ਧੋਖਾਧੜੀ ਬਾਰੇ ਰਿਪੋਰਟ ਦਿੱਤੀ ਗਈ ਸੀ।
ਆਰ.ਸੀ.ਐਮ.ਪੀ.ਜਾਂਚ ਵਿਚ ਸਰੀ ਸਿਟੀ ਵੱਲੋਂ ਰਿਪੋਰਟ ਕੀਤੀਆਂ ਗਈਆਂ ਵਿੱਤੀ ਬੇਨਿਯਮੀਆਂ ਦੇ ਮੁਲਜ਼ਮਾਂ ਦੀ ਜਾਂਚ ਕੀਤੀ ਗਈ। ਇਨਵੈਸਟੀਗੇਟਰਸ ਨੇ ਇਲਜ਼ਾਮ ਲਾਇਆ ਕਿ ਇਕ ਨਗਰ ਨਿਗਮ ਕਰਮਚਾਰੀ ਨੇ ਵਿੱਤੀ ਸਿਸਟਮ ਤੱਕ ਪਹੁੰਚ ਕੀਤੀ ਅਤੇ ਲੰਬੇ ਸਮੇਂ ਤੱਕ ਆਪਣੀਆਂ ਸਰਕਾਰੀ ਡਿਊਟੀਆਂ ਸਬੰਧੀ ਕਈ ਧੋਖਾਧੜੀ ਵਾਲੀਆਂ ਫਾਈਲਸ ਬਣਾਈਆਂ।
