22.38C Vancouver 22.38C VancouverJul 20, 2026 7:12 PM - Connect Newsroom - Jasmine Singh
ਓਨਟਾਰੀਓ ਦੀ ਯੌਰਕ ਰੀਜਨਲ ਪੁਲਿਸ ਨੇ Markham ਵਿਚ ਸਥਿਤ ਇੱਕ business ਵਿਚ ਹੋਈ ਚੋਰੀ ਦੇ ਮਾਮਲੇ ਵਿਚ ਚਾਰ ਪੰਜਾਬੀ ਨੌਜਵਾਨਾਂ ਨੂੰ ਗ੍ਰਿਫਤਾਰ ਕੀਤਾ ਹੈ ਅਤੇ ਇੱਕ ਹੋਰ ਸ਼ੱਕੀ ਦੀ ਭਾਲ ਕੀਤੀ ਜਾਰੀ ਹੈ।
ਪੁਲਿਸ ਮੁਤਾਬਕ, ਬੀਤੇ ਕੱਲ੍ਹ ਸਵੇਰ ਕਰੀਬ 8 ਵਜੇ ਔਫੀਸਰ ਨੂੰ ਫੇਅਰਬਰਨ ਡਰਾਈਵ ਅਤੇ ਹਾਈਵੇਅ 7 ਦੇ ਇਲਾਕੇ ਵਿਚ ਸਥਿਤ ਇੱਕ ਵਪਾਰ ਸਟੋਰ ਵਿਚ ਕਈ ਸ਼ੱਕੀਆਂ ਵਲੋਂ shopping carts ਵਿਚ ਪਾਵਰ ਟੂਲ ਲੋਡ ਕਰਕੇ ਲਿਜਾਣ ਦੀ ਸੂਚਨਾ ਮਿਲੀ, ਜੋ ਬਿਨਾਂ ਪੇਮੈਂਟ ਕਰਕੇ ਉਥੋਂ ਨਿਕਲ ਗਏ ਸਨ ਅਤੇ ਜਿਵੇਂ ਹੀ ਉਹ ਗੱਡੀ ਵਿਚ ਫਰਾਰ ਹੋਣ ਲੱਗੇ ਪੁਲਿਸ ਔਫੀਸਰ ਨੇ ਮੌਕੇ 'ਤੇ ਪਹੁੰਚ ਕੇ ਸਟੋਰ ਦੇ ਸੁਰੱਖਿਆ ਕਰਮਚਾਰੀਆਂ ਦੀ ਮਦਦ ਨਾਲ ਉਨ੍ਹਾਂ ਨੂੰ ਹਿਰਾਸਤ ਵਿਚ ਲੈ ਲਿਆ, ਜਿਨ੍ਹਾਂ ਦੀ ਪਛਾਣ ਬਰੈਂਪਟਨ ਦੇ 30 ਸਾਲਾ ਮਨਪ੍ਰੀਤ ਸਿੰਘ, ਮਿਸੀਸਾਗਾ ਦੇ 22 ਸਾਲਾ ਵਿਸ਼ਵਜੀਤ ਸਿੰਘ, ਕਿਚਨਰ ਦੇ 43 ਸਾਲਾ ਸੁਖਿੰਦਰ ਰੱਖੜਾ ਅਤੇ 36 ਸਾਲਾ ਮੋਹਿਤ ਸ਼ਰਮਾ ਵਜੋਂ ਹੋਈ ਹੈ, ਇਨ੍ਹਾਂ ਵਿਚੋਂ ਮੋਹਿਤ ਦਾ ਕੋਈ ਪੱਕਾ ਟਿਕਾਣਾ ਨਹੀਂ ਸੀ।
ਯੌਰਕ ਰੀਜਨਲ ਪੁਲਿਸ ਮੁਤਾਬਕ, ਗ੍ਰਿਫ਼ਤਾਰ ਕੀਤੇ ਗਏ ਚਾਰੇ ਵਿਅਕਤੀ ਪਹਿਲਾਂ ਹੀ ਹੋਰਨਾਂ ਅਪਰਾਧਾਂ ਦੇ ਮਾਮਲੇ ਵਿਚ ਜ਼ਮਾਨਤ 'ਤੇ ਬਾਹਰ ਸਨ।
